بلـــــــــــــــــد الكبـــــــــــــــــــــــــــــــــار

---------------:: بلد الكبار ::-------------
......................................................

البلد دى مش بلدنا
البلد بلد الكبار
اللى لما الحلم جالنا
خلو فينا الحلم نار
واللى لما الشوق نادلنا
حطوا على الأشواق غبار

دا اللى فكر يوم يعيش
أصبح مافيش
حلم عندة للنهار
والكبير هو الكبير
والصغير ! عاش ومات هو الحمار

دى البلد دى مش بلدنا
البلد بلد الكبار
اللى يسرق قوت فقير
واللى يشحت للعمار
اللى دايما عاش أمير
وبيشتكى!
من اللى فكر يوم وثار

دول عصابة .. مش غلابة
احنا بس العقل طار
قلبنا ساكن ف راسنا
وعقلنا صابه العوار
أصل هى العاطفة فينا
هى أصل الأختيار
بس بردة الكلمة هى

البلد دى مش بلدنا
البلد بلد الكبار

والفشل لسة ملازمنا
أصبح لزمنا
نقتلة !
أو نرضى انة يكون قرار
ساكن ف بطن الأرض فينا
ونرضى يصبح لينا جار

أصل الكبير يفضل كبير
والصغير دار وحار
البلد لية مشتهية
للأسية وللخراب
يجى حبة من ولادها
يشتهوا حتى الدمار

والدمار مش للكبير
داالدمار عكس العمار
والكبير! والحقير !
شركا بردة ف الأنهيار

دى البلد دى مش بلدنا
البلد بلد الكبار

اللى لما العقل فكر
صابة الجنون!
والعتة أصبح حوار
حتى أم الدنيا غضبت
لما ابنها فكر وثار
هى أم الدنيا ترضى
دم ابنها يصبح خيار
ولا أم الدنيا تقبل
ان الكبير يِسحِل فقير
وان الحقير يقلبها نار

البلد لو مش بلدنا
أحسن نسيبها للكبار
يجمعوا فى مليارتها
واحنا نرضى نعيش ف عار
يالا فوقوا تانى واصحوا
البلد مش للكبار

 
+طلعت عامر