خواطر طلعــــ عامر ـــت

الأرض لــــو تتكــــــــلم تشهد علــــى خطوتها قلبـــى وليــها مســلم مفاتيحه تبقى ف ايدها فى الحُسن حد معلــم على خدها وف جيـدها فى الطيبه قلب يعلـــم الكل فيه حــاسدينهــا طلعت حلمى عامر

كــل الكلام اتقـــــال وجمعته أنا ف مــوال شاغل عيونى غــزال رمشه جرحنى ياخال طلعت حلمى عامر

الحب **** الأوله فى الغرام جت على بالى والتانيه فى الكلام مادريت أنا بحالى والتالته كتر الملام خلانى أعيش خالى أصل الحكايه من حرفين الحاء : حكايه غرام حبيبين والباء : بداية لكل شئ زين والعشق بين قلبين يتغنى بالمواويل والبسمه جوه العين عمر الحياه ماتميل وأنا فى الغرام عايش قلبى صبح طايش وبقيت خلاص درويش مش راضى بالتهميش مهما لمونى الناس قلبى اتملى احساس هـــو الهوى يتقاس ولا علــيه حراس دا الحب له أجراس ياناس ودلونى ليه بس تلومونى دا العشق دا سجان قاسى وله ألحــــان لافى يوم تتوب عنه ولا يتشبع منـــــه مهما يكون فى عذاب دايما على الأعتاب يدخل جميع الألباب وطريقه كله عتاب يدخل بدون أسباب قوموا افتحوله الباب طلعت حلمى عامر

سألونى كتير -- --- ((أغنيه )) ********* ************* سألونى كتير وأنا قلت بغير من كل الناس اللى شافونى سألونى عنه ازاى بحبه وعيونه السود ياناس شدونى سألونى ليه بتغيرى عليه قلت حبيبى هو نصيبى سألونى كلام زى الأفلام وأنا قلت ياناس ليه تلومونى سألونى الناس عنه وعن حالى محتاره ياناس م اللى جرالى حُبه ياناس حب خيالى *** سألونى كتير وأنا قلت بغير من كل الناس اللى شافونى وحبيبى أمير خلانى أطير حطاه أنا جوه رموش عينى سألونى كمان عن حيرتى زمان أنا قلت عشان طيَّر نومى كنت أحلم بيه وأدلع فيه وأتاريه مش حاسس بجنونى سألونى ازاى أنا عشت ازاى أحلم بكلامه يسلينى وحبيبى ياناس هو الإحساس عيشنى حياتى قصَّر ليلى *** سألونى كتير وأنا قلت بغير من كل الناس اللى شافونى *** طلعت عامر

أسف حبيبتى ********** أسف على كل جــرح وكل اه سكنت فى قلبــك أسف على أى كلـمه قلتها جــرحت مشاعــرك أسف على يوم قضيته فى غربتى بَعدنى عنـك أسف على الأسيه اللى حكـاها طهر دمعـــك أسف على أى حرف قولتهولك لوث مسامعـك بس اعذرينى وافهمى انك حياتى , انى بحبـك بتوحشينى لوغبتى لحظــه وأنــا لسه شايفـــك وطول بعادى دايما منامى يســرح فى طـيفـك ولـو تغيبـى الدنيـا ترحل ولا تحلــى بَــعــدك أسف حبيبتى عاشـق وتايـب ؛ راجــع لــودك أسف لأنى طول عمرى غايب ؛ بحلم بقربـك ولو تقيسى البعد عنك هتلاقيه أقــرب لضــلك وأنا ايه فاضلى من الحيــاة غير نـبض قلبــك أسف حبيبتى ؛ طلعت عامر

كلمتين ***** كلمتين .. هفضل شايلهم جوه قلبى كلمتين كلمة منهم للسؤال هى ليه ؟ كلمة تانيه للبعاد هجرك دا ليه ليه هجرنى؟ حبك واجعنى والحكايه ! انك بايعنى ذنبى ايه ؟ جرحى ليه هاين عليك وقلبى دايما بين ايديك ضعفى هو يحلى ليك وانت القريب وأنا لك بعيد شكلك عنيد شكلك سعيد بشوقى ليك بضعفى بيك بحيرتى فيك كل كلمه كتبها قلبى كل حرف من حبر دمى حتى دمعى هان عليك هى غلطه انى فى بعادك هويت انى مره عليك بكيت ولاغلطه انى اشتكيت رحت فين ! هما أصلا كلمتين ليه هجرنى ؟ دى الدنيا فى بعادك غريبه عايشه حالتى كأنى عيبه كنت أصبر يقولوا خِيبه ولما أنطق تبقى عيبه هجرك وطال وأنا شوقى مال امتى الوصال ولا البعاد بقى اسم ليك مسحت صورتى من عينيك ؟ ولا البرود بقى طبع فيك هو الجفا ساكن معاك ولا الهوى غادر هواك طبعك دا ايه؟ قلبك دا ايه؟ هجرك دا ليه؟ طلعت عامر

رسالة ميت ******* وانا فى الأخره بدعيلك تعيشى الدنيا من بعدى يكون الفرح من حظك بنور الدنيا تتهنى وأنا فى الأخره مستنى يعاود قلبى من تانى لكن مش هأرضى على ألمك تعيشى الهم على شانى أنا صابر ومستنى وعارف كل دعواتك لكن همى ماتتجنى على نفسك على حياتك نصيبى وخدته من الدنيا وأنا مبسوط وأنا راضى وخلى الدنيا تحلالك وشيلى الحزن جواكى ساعات الحزن بتطول لكن بالفرح أكون راضى طلعت عامر

مش هنساكى ********** ليه بتدارى علىَّ جمالك ليه بتزيدى فى كل دلالك عايش حيره ف كل أحوالك ليه بتعاندى الشوق جواكِى حضن الجنه بيتمناكِى عايش بحلم يوم بلقاكِى عايش وأنا كلى بيهواكِى لسه الحلم مجاش وياكِى ولا القسوه ساكنه معاكى شوفى الفرحه ازاى حضناكِى حتى النبض فى قلبى هواكى ليه بتدارى الشوق فى عينيكى حابسه مشاعرك ليه بايديكى وجايه كمان وتقولى أنساكى مش هنساكى داانت ملاكى حلم الدنيا كِبر وياكى كل الدنيا عندى رضاكى حتى الروح راضى تروح بس فداكى مين فى الدنيا عندى سواكِ بعدك طيَّر منى ادراكى حتى العقل طار وياكى هفضل أقولك تانى وأعدلك ان الجنه عندى معاكى اوعى تقول ف يوم انسانى أصل أنا أصلا مش هنساكى فاوعى تزيدى علىَّ دلالك اوعى تعيشى ويا أوهامك أوعى القسوه تملى كلامك دا أنا بتنفس بس هواكى   طلعت عامر

ميهمنيش ******* ----------- ميهمنيش اسمك ورسمك منظرك ميهمنيش طيبتك كلامك بعشقك ميهمنيش حتى كلامك عن ظروفك ميهمنيش عايش وكل الكون معاك أملى ومنايا أبقى مناك واسألى شرودى حاسك وجودى حاسس كيانى بيعيش أنانى ونفسه يبقى طاير معاك ميهمنيش أوعى تقول انك غريب أوعاك تحسسنى بلهيب ميهمنيش مستنياك وأنا روحى معاك مستنياك ..بحلم بلقاك ومهما طال الانتظار ميهمنيش الوقت مش وقت البكا ولا الكلام محتاج لقا يكفى أنينى وسهرى ليلى لقيت طريقى وانت دليلى فانسى بقى كلمة ظروفك ميهمنيش طلعت عامر

انسى ***** انسى انى كنت ف يوم حبيبك انسى انى مــره زمان هويتك انسى الهوى انسى الســماح انسى كمان عهدنا انسى الجراح انسى الضمير مابقاش ضمير انسى كلامــى ليك انك أمير انسى الملام انسى العتاب انسى كمان كشف الحساب انسى فى يوم نرجع لبعض انسى ان قلبى يعود له نبض انسى كلامنا انسى ألامنا انسى البكا دا خلاص فراقنا انسى الوفا وانسى الدفا انسى كلامنا وقت الصفــا انسى الصباح الشمس غابت انسى النواح مافيش ثوابــت انسى التماسى وقت العصارى انسى حواسى تاهت ف نارى انسى وقول للدنيا تنسى انسى وسيب قلبك لمرسَىَ انســـــــــــ ـــــــ ــــــــــ ـــــــى ! طلعت عامر +طلعت عامر

كـــلام وملام وعتــــاب ! ************** قالوا الكلام ..بيختشى من نور عينيه قالوا المــــلام.. حـــق لينا وحق ليــه قالوا العتاب! انك بتقسى ف يوم عليه قلنا الكلام .. بيدارى من نظرة عينيه حتى المـلام .. الناس بتحسدنى عليه وأنا من العتاب قررت أمشى بين ايديه خلص الكلام بس انتوا قيسوا حبى ليه ومافيش ملام أنا من الملام احترت فيه انسوا العتاب دا روحى عايشه بس بيه طلعت عامر +طلعت عامر

بحر الهوى ******* عينى عليك يابحر كاشف قلوب الناس والنقطه منك نهر يجرى بلا احساس لحظة غروب الشمس تجمع علينا الأمس ونعيش حياه بالهمس نبكى على روحنا نسمع كمان روحنا ونعاند الأيام تجرى بنا الأعوام ونعيش حياة كالدهر ساعات ندوق المر وساعات حياه بتسر *** عينى عليك يابحر مرآه لكل جريح نزلوك فى ساعة عصر باتوا من المجاريح ساكن على شاطك حالف لانول ودك بس الهوى غدار والخطوه فيه من نار نكذب على روحنا ونداوى فى جروحنا ونعيشها كدا مجاريح واقفين فى وش الريح واهى ريح بتحدفنا وريح تجمَّعنا والبحر يجمعنا عينى عليك يابحر طلعت عامر +طلعت عامر

ياساكن وحدك *********** ياساكن فى الهوا وحدك ليه تبعد وتنسانى تشاغلنى بهوى ودك وانا وحدى بعيش حالى ظلام الدنيا من بعدك معيشنى الهموم تانى وأنا والدنيا من بعدك لا انا مظلوم ولا جانى ونور الدنيا من ضيك سحاب على البحر غطانى بتوه واسرح على شطك ألاقى الدنيا فاكرانى وبحضن قلبى فى كفك والاقى الحيره ضمانى متحرمنيش هوى قربك وارجع عودلى من تانى ياساكن فى الهوى وحدك داانا قلبى عليك حانى وبندهلك وببعتلك وبكتبلك تشاغل روحى فى منامى **** ياساكن فى الهوا وحدك ليه تبعد وتنسانى دا انا لسه طالب ودك ونورك ليَّه يحلالى فعاتبنى بنور ضيك وعاتب فىَّ أيامى لكن ماتعيش كدا وحدك وتهجر حتى أحلامى دا انا ساكن فى محرابك دا انا عايش ف ألامى ليه تنسانى فى أسرارك وأنا سرك غلب حالى وأنا سارح فى أحلامك تيجى صورتك على بالى أشوف نورى فى أيامك تنور كل أيامى أنا نفسى أعيش جنبك نعيد العمر من تانى ولا تفضل كدا وحدك وتفضل حيرتى سكنانى أنا نبضى ساكن قلبك وصوتك هو أحساسى وصوتك هو احساسى طلعت عامر +طلعت عامر

**** اشتكينا **** ////////////////////////// اشتكينا واتنسينا كل يوم نصبح نقاسى واللى باعنا واللى خانا عُمره مافكر يقاسى دا الهوا عنده مدارس للى حابس واللى كابس والبعـــاد عنه مآسى كان هنا ف نفس المجره عاش وكان هو المضره يسعد القلب التمــاسى شدنى م العين بنظره والهوى عنده منــاظره ف الكلام الحلو قـــاسى كنت شــايل له غــلاوته كان ف نفسى أبقى غايته هو كان شاغل لى راسى حتى فِكرى كله ليه والكلام كله علــيه حبى يجمع له حماسى اشتكينا واتنسينا كل يوم نصبح نقاسى مين ف حيرتى وانشغالى مين ف حاله زى حالى مين يحب يعيشها نـاسى حد فكَّر يوم يقول لــــه إِنِ هاوى حتى ضلـــه حتى أصبح من حواسى كان عينيه عليه مُطله شمس نوره وهى طاله فجأة أصبح مش مقاسى ليه تعيشنى ف مذله سبتنى من غير مظله وانت عندى شئ أساسى قول لنفسك مره كلمه خلى قلبك عنده رحمه أنا حاسك وإنت قــاسى اشتكينا واتنسينا كل يوم نصبح نقاسى طلعت عامر +طلعت عامر

لحظة سفر ********* خليك فاكرنى ف غربتك أوعاك تغيب أوعاك تبعنى ف ضحكتك داانت الحبيب لحظة سفر كتبت عليك انك تسيبنى لوحدتى وشمسك تغيب خليك فاكرنى ف غربتك خليك طبيب عينى فــى شمسـك راح تغيب تحلـــــم بوصلـكــ عن قريب هفرض لِضلك يصبح مهيب بس انت عقلك يكون لبيب لحظة سفر كتبت عليك انك تغادر عشنا وتعيش غريب حاول تجمع شملنا أحسن أشيب صعبان عليه غربتك وأهو دا النصيب سافر وكل الشوق معـــاك روحى تروحلك مشتقاك خليك فاكرنى ف غربتك علشان أطيب الماضى والحاضر معاك مستنيــــاك وأنا عايشه لهيب وعينى ساكنه نور عينيك تحلم معــــاك هجرى يطيب لحظة سفر كتبت عليك انك تسيبنى لوحدتى أبكى المغيب وانت الحبيب وانت الطبيب خليك دوايا ف غربتك خليك قريب طلعت عامر +طلعت عامر  

العشق ! ****** عن العشاق سألونى وأنا فى العشق مابفهم لكن موصوف ألف وأطوف أفتش كل شراينه وألاغى النور على جبينه أداعب سحر أزهاره وأعدى بحور لأشعاره أرتب كلمه جنب الكلمه تزهر كل أيامه ومش بالخوف لكن موصوف يكون للعشق أسراره وأنا ف العشق ما أنيش ماهر ولا سباح ولا ساحر تتوه الكلمه فى حلقى وأعيش الغربه من عقلى وتصرخ حته من قلبى تنادى الكلمه جوايا ! يعيش الشوق دفين قلبى ويسأل عن سكن تانى يكون أقوى مايعرف خوف يعيش ملهوف يكون العشق له موصوف يعدى بحور يهد جسور ومايهمه ألم وجراح ولا يهمه يعيش مرتاح يفتَح كل شبابيكه ويصبح صيد ف شباكه ويمسح دمعُه بجراحه ويسمح له يكون دائه طلعت عامر +طلعت عامر  

الحب ***** الحب مالوش عنوان ولا ليه سكن ومكان الحب عايش جوانا وبيخرج فى أى زمان ساعات تلاقيه يطلع فجأه وساعات تلاقيه كده حيران مش عافية ولالوى دراع الفكره تشعر بحنان تلاقيه كدة ظاهر ويبان لو مره حبيت تتهرب يقفش منك زى الجان والحب دى حاجة عمومية مش حب الوجه الفتان دا الحب النعمه اللى ف دينا مفروضه على كل انسان الحب بيسكن ف قلوبنا وبنمسح بيه الاحزان حب الخير لأهلك واصحابك تلقى اصحابك لك عنوان وابعد عنك كل أعدائك وانسى كمان فعل الشيطان خليك فاكر انك عايش من اجل عبادة الرحمن طلعت عامر

ضحكتنى ****** من غدر باين فى العيون ـ ـ ـ هـــــز نـــــــــــــى --وكل حب راسم عل الجفون ـ ـ ـ رسمه عوجه تشدنى --أصرخ وأنادى ع الظنون ـ ـ ـ كفايه حب يزلنى - وابعد كمان عنى الجنون ـ ـ ـ غلِّبـــتــــنــــى مش هقبلك تبقى حنون ـ ـ ـ أو حتى تمسح دمعتى ضحكتنى ! ****** الحب عندك اسمه ايه ؟ ـ ـ ـ اسمه العــذاب ؟ ولابتهرب منه ليه ؟ ـ ـ ـ حتى العتاب ! وان جيت ف يوم أسال عليه ـ ـ ـ تقول سراب ! تبيع وتهجر روحى فيه ـ ـ ـ عايشه العذاب وجاى كمان تجادلنى بيه ـ ـ ـ من غير جواب ضحكتنى ! ****** خليك كدا عايش بكيفك ـ ـ ـ خليك أنانى وابعد بقى عنى بطيفك ـ ـ ـ واهجر منامى و روحى رافضه ف يوم تشوفك ـ ـ ـ فاكره جراحى كان حب ليك رهن ف ظروفك ـ ـ ـ عليه جانى ضحكتنى بكل كلمه ف جوابك ـ ـ ـ انك مثالى ضحكتنى ! ****** أنا من عينيك عشت الجراح ـ ـ ـ قلبى هجرت ومن عمايلك الحب راح ـ ـ ـ وعنى غِبت اوعى تح...

ابــــعد (( شـــوف غيرى )) ******************* ابعد بعيد عنــــــى ............ أوعاك تكــلمنــــــــــى دا اللى سكن قلبى ........... ف العين وف الننـــــــى أوعـــاك تحايلنـــــى .......... أو مره تشكيلــــــــــى دا حبه فى قلبـــــى ......... وهو نــور عينــــــــــــى ابعد بقى وانســــى .......... جرب تشوف غيـــــــرى واهدى كدا وارســى ......... داحبه مش ذنبــــــــى دخل قــوام قلبـــــى ......... شغل كمــان عقلـــــى هـــو اللى يحلالــــى ........ ف ليلى ونهــــــــــارى سهَّـــر كمان قلبــى ......... وحبه شـــــاغلنـــــــى مش هسـألك تــانى ........ ترحل بــقى عنــــــــى انســى بقى حالــى ........ بعيش معـــاه حـــــالى بدعى اليك ربـــــــى ....... ماتعيش كدا خـــــــالى ويسعـــدك ربــــــى ....... تعيش كمــا حــــــالى فرحـــان ومتهنــــــى ....... ف الحب بتغنــــــــــى جرب وهـ تـقلـــــــى ........ بس انت شوف غيرى بــــــس إنـــــت شـــــوفــــ غـــيــــــــــرى طلعت عامر +طلعت عامر

قربنى ليك ******* أنا من عينيك بسأل عليك أتارى قلبى بين ايديك وبقول شاريك وكلى ليك وحتى قلبى هديه ليك مقدرش أنسى أنى هويك حبك تمليك عيشنى بيك زى الفريك ماليش شريك ف حبى ليك وأنا روحى فيك لوشفت مره ليك شِريك أرشه مايه تقلب فينيك وأقول يانارك من غدر جارك خانى وباعنى فى الطريق وأنا ال فريك ماليش شِريك ف حبى ليك عايشنى حالك وخدنى بالك قربنى ليك فتح عينيه والمس ايديه حسسنى بيك سهر الليالى عيِّش خيالى بنور عينيك احلم ياغالى يدوم خيالى وفكرى فيك قربنى ليك حسسنى بيك وقول شاريك طلعت عامر