خواطر طلعــــ عامر ـــت

سكتك على خطوتك ************** ياللى الحياه فى سكتك ماشيه على خطوتك لا فى يوم تزيد خطوتك ولا تطــــول سكتك ماشى كدا بحكمتك ومعاك كمان صحبتك أهلك وحراسك قلمك وكراسك راسمين على سكتك انك تعيش وحــدتك تحسب مكان خطوتك والحس فى أساسك والكل فوق راسك والطبع احساسك ياللى الحياه فى سكتك ماشيه على خطوتك دايما تعيش غربتك تحبس كمان فرحتك مع اللى من ناسك وفى الحياه ناسِك راضى تكون سكتك مرسومه مع شدتك تُفرج تزيد فرحتك تضيق تقول رحمتك ياللى الحياه فى سكتك ماشيه على خطوتك لافى يوم تزيد خطوتك ولا تــطــول سكتك طلعت حلمى عامر

  حوار مع مسؤل تائب ************* قالوا النظام هو كدا احنا كدا عشنا كدا واية يعنى موت ماالموت بيجى كدا ويجى كدا سيبك دا قضا واللى عليه الدور ينزل هنا .. دا أنا المسؤل = وأنا المحمول على الأكتاف .. دا أنا القائد = وأنا اللى رزقى يدوب عيش حاف .. دا أنا السيد = وأنا الغلبان وأنا الشقيان عايش فى جفاف .. طب اسمعنى = وايه يفيدنى كلامك كله مش شفاف .. دا م العوزة . وقلة مال؟ = لا داانا خايب وحظى مال .. أنا جايلك ومشتاقلك هتسمعنى يكون سعدك ويصبح كونى على قدك = لا متقولشى داانا ماشى ورا ضلك ومالك هو بيضلك وعينى عليك مابتضلك .. هنعمل ثوره علشانك ويتغير جميع شانك وتصلح كل أحوالك = بلا ثوره بلا تغيير وايه اخدنا من التحرير حياتنا اتملت تعكير وأرواحنا بقت بتطير وقال ! بيقولوا دا التطهير أنا عايش فى وهم كبير ومستنى الأمل ف سرير خلاص تعبت من التفسير وشوشنا اتملت تكشير فبزياده وماتقولشى على حقير هنيالك ! ماانت حد كبير تكون مسؤل تعيش قائد تكون سيد تعيش سائد تلاقى الكل خدامك مايتغير فى يوم حالك وأنا يو...

فاكر ياصاحبى ********* صاحبى ياصاحبى ياللى انت من بختى فاكر ياصاحبى لما العذاب صابنى كنت انت ياصاحبى على طول واقف جنبى ؛؛؛؛؛؛؛؛؛ فاكر طفولتنا احنا ولمتنا نلعب قصاد بيتنا ولاحد نال منا واحنا فى وحدتنا ؛؛؛؛؛؛؛ كنت أجرى مره يمين تجرى ورايا امين نبعد عن الايمين شفتك فى مره حزين حزنك وجعنى سنين وبكيت بدمع العين وسألت : ازاى ياصاحبى أعين اطلب ! ماانت فى نن العين ؛؛؛؛؛؛؛؛ فاكر كمان فى شبابنا لما الوداد كان زادنا وعادينا كل أصحابنا لما أرادوا خصامنا فاكر فى شدتنا كان حبنا عادتنا وسهرنا ياما ف بيتنا عمر الشيطان ماخدعنا عمر الخصام ماوجعنا ؛؛؛؛؛؛؛؛؛ فاكر ياصاحبى وداعنا لما السفر كان حظى عمر الغياب ما باعنا ولايوم نسيت صاحبى قررت السفر يجمعنا فى الغربه تصبح وعدى تحلى كمان أيامنا ماانت ياصاحبى وديعتى ؛ ؛؛؛؛؛؛؛؛ ؛؛ والدنيا ايه غير صـــاحب تلقاه فى وقت الغرام يتصاحب وفى الشده عمره مايصبح غائب ايده فى ايدك والحب عنده تجاذب . ........... طلعت عامر

عصفور بنى عشه ************ عصفور طار على عشه لكش وشه قام ! اتسجن عقله اتعجن نشف قوته عوج عوده نوى فوزه لوى بوزه قفل عينه على جبينه وناس من بره سامعينه قالــوا لَنطيَّروا عشه ولا نغشه يبان النور على وشه يطير فى الجو متحرر كدا يقرر يعيش الدنيا دى بطوله ولسه كلامنا هنقوله على العصفور على عشه بناه بقشه بدون جدران ولا مسلح ف أى مكان يجى مسطح وفِكر الدنيا مش شاغله وايه شاغله شوية قش يجمعهم يكون عشه على شجره على الأغصان جَمَعْ ورقه غزل جدران وجوه العش كان فرَحُه مع وليفته ويجى البيض يقوم يفقس ويطلع نونو للعصفور وجوه العش يدخل نور على العصفور ويجى الدور على النونوا يصير عصفور ويجمع هو حبة قش ويبنى الُعش على العصفور على عشه بناه بقشُه بساطة الدنيا فى عشه طلعت عامر

هو الكلام يتكتب ولا الكلام يتحسب ولا علينا اتحسب أحلى الكلام الأدب امتى الكلام يتشطب لو صــار كلام للسب اسمع كــلام الــــرب وأوعاك تعيش فى الجب خلــى الكلام للــحب والحب يطـــرح حـــب طلعت عامر

كلام النــــاس ********* كلام الناس لابيقدم ولايأخر كلام حساس مالوهش احساس كلام من ماس تسيبه الناس كلام غشاش مالهوش أساس كلام غدار ساعات حمال ساعات كناس كلام تحابيش يجيب تلطيش يطرقع فاس كلام حُساد مافيهش وداد لكن مساس كلام لغابيط يصد فى حيط يخبط ف الراس كلام ترانيم علينا ينيم يشكك فينا كل الناس كلام بعتاب مالهوش حساب بيكسر كاس كلام فطاس على قرطاس كابس ع الراس كلام وسواس شيطان خناس يوسوس فى صدور الناس كلام محتاس يوقع ناس يطرقع ناس يفرقع ناس طلعت عامر

الساحر ***** قالوا مغرور وعاش الدور وقالوا عليَّه واد فرفور بَلِف وأَدُور ماأفكر أجور على اللى بحرفه صَبَح مشهور بَكتِب فى بحور وأعدى بحور والشِعر فنون رجل مسحور لابس طرطور وف ايده ياناس طبق بنُّور معاه منديل وعصايا بِدِيل وحمامه تطير من المنديل والكل ف لحظه عقله يطير رجل مسحور لابس طرطور وركِّب بنت على الحنطور وقَطَع النور نَفَخ فى الكور وتاهت البنت من الحنطور وعيونا تخيل والسر فى بير أتارى البنت راكبه الفيل كتبت الشِعر عن ســاحر وأنا فى السحر مش مــــاهر قالولى اتلم يــا شاطــر دا مش شِعر دا خـــاطر ضَحكت سرور قالوا مغرور طلعت عامر

الدنيا مــــالــــها *********** الدنيا مالها ! ايه جرى لها كل حاجه ضاع زمانها فين ! .. لمــا كنا صغيرين راح فين جمالها العيون بقوا كدابين حتى ف سهادها والبرائه ! اختل نورها حتى ف ميلادها والطيابه ! .. حلم راح من روح ولادها والأمانى كلها ضاعت شبابها حتى القرايب والحبـــايــب اتقل خـــيرها *** الدنيا مالها ! ولا احنــا مش حابين وصالها ولانكــــون كارهين فصولها ولا التلاهى ! طيَّر عقولها لأ ! .. والغرابه عايشين عشانها الدنيا مالها ! باتت عيون تصبح تخون فى كل ناسها حتى الملامح ف الوشوش اعوج عـــودها نفس الملامح بس القلوب اسود لــونها *** الدنيا مالها ! شوفوا الوشوش لما تتصارع عشانها شوفوا النفوس اللى حطه الكـــون مكانها شوفوا المصانع والمبانى ! مين بناها راح وفاتها ياللى انتوا عايزين الحيــــاه تنسى تراثها ليه بتبكوا عل اللى راح منكم وسابها دى الدنيا ساعه وبتنتهى ! وقت اشتياقها الدنيا مـــــالهـــا طلعت عامر

ليــــــــــــــه ****** ليـــــه .. الخصــــــام ليـــــه .. المــــــــلام ليـــــه .. الأ لـــــامــ يُسكن قلوبنا وحينا *** كُتر الكــــــــــلام خلى الكــــــلام زى الســـــهــام داخل قلوبنا كلنـــا *** ليـــه .. ضلنـــــا غاب .. عننــــــا تـــاه .. مننـــــــا مين فيكوا تايه زينا *** سنين وعايشه جوانا هايشـــه ودموع وطايشه تنزف كمان من قلبنا *** ليـــه .. العتـــــاب بين .. الصحــــاب يقلب .. سبــــاب نخسر صحابنا وأهلنا *** أيــام .. وماشـــيــه وساعات .. وباليـــه والدنيا .. باكيـــــــه وف يوم نغادر عشنا *** ليـــه .. السكــــــات ليـــه .. الأ هـــــــات غاويه .. حكـــايـــات تنسج همومنا ف قلبنا *** الحب .. ضـــــــاع والكره .. شــــاع والصدق .. بـــــاع وفضلنا نندب حظنا *** ليـــه .. الحبيــــب مابقاش .. قريـــب وصار .. غــــر يـــب وساب عينينا وحضننا *** الدنيا .. لامــــــــه حكايات .. مهمــه 100ألف .. قصــــه تحكى جروحنا وهمنا *** ليـــــه .. وليــــــه بنقولها .. ليـــــــه ونعيدها ....

يـــــوم ورا يـــــوم ************ يالى كلامك مالهوش حد وكل كـــــلامك ناقص جد أنا أفردلك وانت تشـــد يوم ورا يوم القاعده تمد وساعة لما تحب تشــد تلاقى الكلمه ناقصه الود وكل يومين تلاقينى بَعِد وأرجع تانى أعملك نِـــد نفسى أحاورك مره وأسِد حتى القاعده مابينا تمد وأوعاك عنى ف يوم تبعد مش راح أسمحلك بالعند حاول مره تسافر الهنـــد وارجع ليه بجوز الهنــــد هنتظرك من اليوم للغد وأمسك ايدى وبيها أعد وأسرح انك جبت الشهد أصحى ألاقى كابوس بيهد ان كلامك مالـــهوش حد حتى وعودك مالهاش عهد ويوم ورا يوم القاعده تمد حتى الضحكة مابينا تصد زى الماشى ف حاره سد يطلع منها يلاقى السعد بس حياتنا مابينا وعــد ويوم ورا يوم القاعده تمد طلعت عامر +طلعت عامر

دنيا **** دنيا ومسمومه بالشر مزكومه وخلق ع المركب عيشاها فى التوهه دنيا وغراره للناس وجراره لفينها ف سيجاره فكرينها دى شطاره دنيا ومحتاره تحلى ف يوم تاره وف يوم تكون ضاره تلقاها غداره دنيا ونداهه للكل سجانه عايشنها ف متاهه والتوهه وخدانه دنيا ومحمومه والخلق معجونه بالهم مزحومه تتغنى بالنوته دنيا ومشبوهه والكل حبوها فيها اللى لفوها وفيها اللى نسيوها دنيا وزواله تعشقها خسرانه تزهدها كسبانه والأصل متفاته طلعت عامر +طلعت عامر

قنـــــاع ***** ليه البشر صبحوا كدا لابسين قناع والكل فاكر ان الدنيا له حق انتفاع ناسين ! عليهم انكتب يوم الوداع فينا اللى منا ولابس قناع الزيف وعايش حياته لايعرف شتا ولاصيف تلقى الكلام طيب والفعل منه سخيف وفينا اللى منا ولابس قناع البراءه تلقاه ساعات عايش زى الغلابه و ان جيت تشاركه تطلع عليه الديابه وفينا اللى منا ولابس قناع الجد لا يعرف الضعيف ولا للقريب بيود عايش فى حاله وعنده الناس ند وفينا اللى منا ولابس قناع الرجوله تاخد منه الكلمه وف يوم تلقاها حوله راجل على الناس بره وف بيته عوله وفينا اللى لابس قناع المحبه يعاشر الناس ويهوى الأحبه تلقاه عايش خلوق والكل حبه كل البشر لابس قناع سر البشر أصبح مُذاع حتى الأسيه صبحت مشاع ليه يابشر لابس قناع ليه عايش الدنيا خداع ولا الحياه عندك صراع فوق يابشر قبل الوداع واخلع قناع الإبتداع عيشها بقدر المستطاع دا الحب أحسن ف الطباع طلعت عامر +طلعت عامر

تعيينات *** جاء القرار بالتعينات بس القرار كان بالمسابقه والمسابقه محسوبيه أو فلوس تدفعها رشوه والطابور واقف طويل شباب وضايع منه حيل والكل مستنى القرار والكل حاسس بانكسار شباب وتايه فى النهار وليله عايش ف انتظار أمــا الوظايف حكر بس للكبـــــار نسمع كلام عن الشباب نسمع كمان كلام عتاب أما الحقيقه! بنعيش سراب والشاب يطلع غربته يهرب ويجمع لقمته ويعيش حياته بالعذاب وعينه تحلم بالقرار مستنى يضحك له الزمان نفسه فى وظيفه تضمن له الأمان نفسه يعيش حلم المكان يسأل بفكره ياترى امتى يؤون الأوان امتى يجالس صحبته امتى يأانس وحدته امتى الدفى امتى الوفا امتى اللقا امتى يشوف الأهل والخلان شهادات مركونه ع الرف وشباب تايه بيلف ولا يوم الأزمه تخف وشباب عايش على نار مستنى يطلع له قرار بس القرار كان بالمسابقه والمسابقه محسوبيه ردى يااما يابهيه طلعت عامر +طلعت عامر

يادنيا **** دنيا وفيها من الخطوط مشاوير حتى الوشوش كاسر عنيها الويل الخد شكله جميل بس الحياة بتميل والتوهه وخدانه واللمه وحشانه والطبع لسه عليل دنيا ومزحومه بالحقد مركومه والحب أصبح ليل طالبين بقى تحاليل نغسل قلوبنا بنيل عالى كدا صافى ابعد بقى ياتجافى اقصر ياكره طويل ناسى أما كنت هزيل ولا صبحت سبيل عشش على قلوبنا كاسى على نفوسنا نفسى التقيك ياخليل تسكن هناجنبى تسندنى فى همى ولا انت بردوا قبيل دنيا وغداره تضحك ! تقول جاره تغضب ! تقول لامه وتعيشها بالتطبيل تقولش انت عميل أعمى ومتغمى عايش ومستنى الحلم يبقى جميل تمشى الطريق مسافات تقطع كمان عثرات والخطوه تصبح ميل يادنيا ليه بتعاندى كل اللى نفسه يعدى ولا انتِ بتهَدِى ولا الكلام تهويل أخرتها ايه وياكِ يادنيا واحنا معاكِ العمر أصله قصير العمر أصله قصير طلعت عامر +طلعت عامر

انتظــــــــار ******** وافقين على باب المحطه عايشين عليها فى انتظار فينا اللى مستنى الأحبه وفينا اللى عايش للفرار تلقى اللى ماشى حبه حبه وتلقى اللى عيشه فى الحوار الكل واقف فى انتظار عايشين على كف القمر نغزل عمل نكتب قرار مستنين الحب يوصل حينا فى انتظار الشوق يغازل قلبنا فى انتظار العمل يصبح مسار الكل واقف فى المحطه محط انتظار فينا اللى مستنى الطريق يصبح صديق فينا اللى مستنى الحياه تصبح نجاه فينا اللى مستنى الفرح فينا اللى مستنى الفرج وفينا اللى خايف من النهايه واقف لنفسه بالعصايه وبيحاسبها كل ليله وفينا وفينا والكل عايش فى انتظار والكل موجود فى القطار ساعات وماشيه ليل نهار طلعت عامر +طلعت عامر

حكاية موظف ********** كان فى مره حد موظف طالع عينه يوماتى فى الشغل يطلع بدرى وجسمه مشطف يوصل شغله بعد الظهر يلقى الدفتر سكوا عليه وتبقى أجازة تحسب ليه يوم ورا يوم السكه تخونه وسط الزحمه تطلع عينه واخر الشهر ! يلقى الراتب ناقص منه حبة فكه أو جنيهات محسوبه عليه يجرى يروَّح كدا ع البيت يلقى الست طالبه الزيت طالبه خضار ولحمه وبيض تسأل جوزها فين الراتب تنزل عينه يقول انا جيت ماشى ياسيدى فين الراتب حاضر حاضر طب والاكل هناكل ايه ليه بتطنش تانى يابيه هو الراتب لسه ماجاش ولا هتاكل كدا ببلاش دخل ايدك جوه جيوبك هات الراتب قبل ماأشوطك خدى ياوليه وأوعى تقولى ناقص مِيَّه زعقت صرخت تانى فى وشه ليه يامنيل نقصت مِيَّه خصم الراتب جه ياوليه مش احسن نشترى عربيه علشان اخلص من التاخير من دى الزحمه ف خط السير وأقبض راتب عالى كبير روح اتنيل داانت خفير ههههههههههههه طلعت عامر +طلعت عامر

فى ناس بتدخل صفحتك تتجسس وناس تتابعك فى السر وعيونها بتحسس ابعد عن اللى يدارى حتى عينيه تلاقى كلامه لبط وعيونه حتى بتفرس طلعت عامر +طلعت عامر  

أطفال الشوارع ************ عايشين على طرف الرصيف مش لاقى حق الدوا واللقمه حبة وجع ف رغيف والهدمه متقطعه من الهم تلقى حياتهم خريف ف الوش تلقى علامه رضا شوارع ولامه وناس ومتعاميه وعيون بتتحاذق بشكل سخيف أُسر وخربانه وأطفال وهربانه والكل ساكن ع الرصيف حبة وجع ساكنة الجدع والدم بردو خفيف تلقى ف كلامهم دلع تلقى ف عيونهم فزع ترجع تقول دا ضعيف والنظر ه ليهم تبكِّى والشخطه فيهم سيف ذنب الاهالى ولا حكاية رصيف جمعت مابينهم ف شكل مخيف مجتمع وباع دوره والكل ساكن ف داره يسمع ! يقول تخاريف مسؤل : ياللى تقول تخاريف اطلع وشفهم ع الرصيف تلقى النحيف تلقى الضعيف تلقى الحرامى تلقى الشريف تلقى اللى ساكن ف الزباله ! يفتش ع الرغيف أطفال شوارع واقفين موانع لأى ضحكة من شريف بطل تشاكس أى طفل ساكن ع الرصيف خليك لطيف فكر ف فكره تلمهم تضمهم تصبح عفيف وتعيش شريف مش كل نظرة بتترسم من عين خريف طلعت عامر +طلعت عامر  

ايا وعدا فى الحياة قطعته الا أعود ولا أكون لغيره تمضى المنايا فى السرايا تضمه يبقى اللقاء مابقيت جليسه - طلعت عامر +طلعت عامر  

ممكن **** ممكن نفكر نتغير نتحير نشيل الهم أكتر وأكتر ممكن نعاند بعضينا ونشيل جروحنا لبعضينا ممكن نسافر ف الدنيا ونطير ولاحد تالتنا ممكن نكلم أرواحنا ونفوتها تسرح ف جراحنا ازاى نلاقى أتباعنا يسيبونا ويروحوا لغيرنا ولا حد ولاغيره سامعنا هو اللى عالم بميعادنا نهرى وننكت فى نفوسنا ونبوس ايدين اللى يدوسنا نصرخ ويعلى الصوت فينا ياخلق ماتخفوا علينا فَكِرنَّا كدة مش بنعانى دا احنا اللى خطينا حدودنا ليه ياغرام تبعد عنا وتروح لغيرنا وتنسانا وجاى كمان تجرد حالنا وتحسب الكلمه علينا مش باقى الا تقربنا تجمع مابينا وتهوانا طلعت عامر +طلعت عامر