مصـــــــــــــــــ تتحدث ـــــــــــــــر
...........................................
سألت عن مصر
قالوا لى إنها تائهة
سألت عن أبنائها
قالوا انشغلوا بميراثها
طفت البلاد شرقا وغربا
بحثا عن صدى لصوتها
فوجدتها : فى ركن بعيد جالسة
تبكى على أبنائها
فجلست الى جوارها
محاولا أن أسمع همهمتها
بل ! هذيانها
فسمعت من هذيانها
ماآلت اليه حالها
قالت : قتلونى
قالت :أسرونى
قالت : شردونى
وانشغلوا عن وجودى
بجودى !
وهمهم مالى وقوتى
ونسيوا حتى وجودى
بقى هما دول ولادى !
بقى هما دول حماتى!
بقى هما دول حياتى !
والكل عاوز لنفسة
والكل ماشى بأمرة
والكل همة ولايتة
دول مش ولادى
دول أكيد هما هلاكى
نسيوا زمان أُمهم
نسيوا كمان عرضهم
نسيوا زمان عِزهم
والكل عاوز لنفسة
ولو حب أخ ينافسة
يعمل مصيبة لنفسة
ماهو بردة أخوه هو نفسة
أنا مصر ... وانتم ولادى
ومهما تشردوا عنى
بردوا ولادى
بس افتكروا دايما وجودى
ومايغركوش عطفى وجودى
صحيح ممكن أصبر
صحيح ممكن أنسى
صحيح ممكن أرحم
بس اللى مش ممكن
إنى أرضَىَ تقسمونى
او حتى تفصلونى
أو حتى تقطعونى
أو يفتكر حد منكم إنى له
أو تغره قوتة
ويظن إنى ملك له
أو يستعين عليَّ بحد بره
مش من ولادى
لاجل أبقى كلى له
إنتم ولادى .. كلكم ولادى
مش ممكن أبقى لحد واحد
مش ممكن أبقى على طرف واحد
مش معنى إن مره
سيطر عليه حد واحد
إنى أرضى تانى
أبقى لملك واحد
إنتم ولادى .. كلكم ولادى
لو قطعونى حتة حتة
هتبقى حتة قد حتة
لكل واحد من ولادى
أنا لسه باقيه
واقفة وصامدة
شايفة وسامعة
وبردة صامتة
لاجل اما أشوف
إنتم ولادى ..ولا إنتم هلاكى
طلعت عامر
تعليقات
إرسال تعليق