خواطر طلعــــ عامر ـــت

ارهاب البومه ******** الثورةه دى ثوره ولا دمــار وخراب طلع الخسيس شجره وشه دا وش غراب أهله وحراسه عملين لنا ارهاب خاين ياهو ناسه والقلب كله هباب ملعونه دى راسه نبحه دانبح كلاب أمريكا دى كاسه والشرب له أسباب والغدر له ناسه والطبع طبع ذئاب خرج الخسيس بره ميل على الأغراب قفل الجميع بقه بضلوعه فى الارهاب والغرب قافل ودنه ومصدق الكــذاب ماهو أصله بيوده فاتح له 1000 حساب ياجماعه خربانه أحلامكوا هى سراب وعقولكوا مليانه بالشر والارهـــاب يخالفكوا فى رايه يخرج من الاحباب يلغى لكم عقله يصبح من الأسراب ياسنان ومسنونه فاتحين لنا الأنياب وعقولكوا مجنونه وقلوبكوا فيها خراب قلنا خلاص توبه قافلين لكم الابواب وف شوكم بومه تنذر بكل خراب طلعت حلمى عامر

لاتلومونا ****** اللوم عليهم لو يلومونا ولا تعاتب الا اللى حبونا بعض الأسامى ورق على كل لون اتحرق والحضن منه اتخنق حالفين نعيش ف القلق والقلب منهم مـــرق والفكر فيهم شَنق والعقل فينا شهق لفيتوا كل الطرق علشان يزيد الشق وانتوا اللى فيكم بُق روحوا العبوا بالحُق وأوعوا تلــــومونـــا دول هما اللى خانونا طلعت عامر تحيا مصر C.C.

ربيـــــــع عبــــــرى ************* قالوا الربيع عربى بس المذابـ ح عبرى ثوره وعشناها صبحت مذابح حصرى سبب البلا كان مصرى اسس لنفسه جماعه عمل لنا فزاعه كفَّرنا ياقطبى شكك بقى فى نسبى اعمل فريق سرى للقتل والتفجير وف ايدك السبحه والوِرد والتذكير احرق كمان علمى قطع حدود أرضى لا تعرف الأوطان ولا تُحتسب منى بدأ الحكايه حسن حرفها كان قطبى عين العدو باصه بفلوسه كان ماصه عمل علينا كماشه حط القلوب ف الفيشه ولع قلوب الناس شتت عقول الراس حلل دماء ابنى خرب كمان عقلى بالكذب والتدليس بجزيره او بالفيس ارحل بقى عنا ياللى انت مش منا دا مش ربيع عربى لكن ربيع عبرى طلعت عامر +طلعت عامر

قـــومــى يـــــــــــا مصــــــــــر ************************ يامصر مالك اِحْمَر لونك حتى السواد غطى حيطانك لون الحَمار ساكن فى أرضك حالف لتبكى على هجر ابنك كم من حكومة مش شايلة همك ولا يوم يهمك ابنك يغادرك **** يامصر مالك ضلمه عيونك ولاَّ شبابك هاجر وسابك ولاحياتنا رخصت عشانك تُهتى وتهنا وقافلة بابك وكل مره نقول حنانك مُره الحياه حتى ف حنانك **** يامصرمالك شايله دراعك عن اللى خانك عن اللى باعك وكل مره نحلم ببكره نلقى حَمارك كاسى عينينا غطى شبابك الدم فيكى أصبح قرارك ! ولا انتى غاوية حتى انتحارك **** يامصر لمى أحسن ولادك وحسبى لتجنى على حياتك شبابك وضايع وضايع قرارك وكلك واجعنى فى طارى وطارك وثورة وثورنا وكله اختيارك وعشنا ومتنا وكله فى تمامك **** يامصر دا كلك كدا بانطباعك وكل اللى فيكى حاكم طِباعك شبابك دراعك وفايته دراعك ودمك وسايل ودمعك ف خدك ونيلك وشايل همومك وشدك وحيلك وواقف بابنك وعزمك **** فَعَدِّى وحاربى وشيلى اللى خانك واوعى تخبى عدو مره خانك ولو مره جالك واحد من صحابك وحاول بجهله يموت ولادك فحاسبى حسابك وشوفى انتباهك وقومى يا...

الدم مش دمى ...... ولاَّ سكن أرضى دا الدم لون الغم ..... كابس على نفسى محتاج اقول اتلم ..... ماتسيل على أرضى عايزنى أبقى أصم .... وأنسى شهيد عندى ولا احنا حبة كم ..... زايد على عددى زايد على عددى طلعت عامر +طلعت عامر

مصــــــــــــــــــــر-- مش ههاجــــر-- ************* هـــــــــاجر ............... اهاجر وسيبك لمين واسيب نيلك الحزين علـــــــى الربـــــابه بكتب أنــــــــــــين وأحلم سنــــــــين لجل نرجع طيبــين ياام العواجز والشقينين أرضك دى حته من الحنين نيلك بيروى العطشانين أهلك وشبعوا من الأنين والضحكه ساكنه عل الجبين وحضاره تصنـــــع فراعين والعدل غايب من سنين والحلم جاى بنقول أمين ياللى انت أهلك طيبين حسبى لنهلك أجمعين للعدل فيكى محتاجين والكره يبعد لو يومين والطيبه ترجع فضلتين عاشق جنونك مرتين عاشق وانا لسه جنين اعلِى ولو أحيى سجين نصرك علىَّ هو ديــــن قـــــولوا آ مـــــــــين طلعت عامر +طلعت عامر

سينا ! ***** على جبل الطور كلِّم ربه وكليم الله سار على سينا وعيون موسى تشهد عنه شبه جزيره من أراضينا ديلسبس كمان بدأ الليلة وقناة اتحفرت بإيدينا تسعه وتسعين حصرى عليه وسعادتة تكون راسه علينا أمم ياجمال وانسى العيله دى قناة محفورة ف أراضينا بس العدوان اتصرعوا عليه وجمال كان حاكم أمانينا وف غمضة عين راحت منه بيهود صهيون حط علينا لكن السادات خط بحكمه وف 6 ساعات رِجعت لينا وأهى طابا كمان نقصت عنه وبكامب مبارك كمل أراضينا حفروا الأنفاق تحت منه هرسوا شوارعنا وحوارينا حظر التجوال من بورسعيد لإسماعيليه كان الصمود هو علامة أهالينا وف رفح كانت بداية المذبحه اتقتلوا وقت الفطار سال دمنا والدايره لسه فيها دائره مابين ظلام وجنود بلادنا نرفع ايدينا بس لـــــــه احفظ يارب أرض سينا طلعت عامر +طلعت عامر

**** دموع السما **** .......+++++++......... نزلت دموع السما تروى أراضينا ابكى ياعين فى السما حارسة أمانينا ابكى على اللى اتولد شايل هموم البلد ونصيبة مش بيصيبة ولا الهموم بتسيبه ورزقة مش فى البلد **** ابكى على اللى اتقتل حارس تراب الأرض حامى الشرف والعرض والموتة كانت غدر من ايد أخوة الندل **** ابكى على العاطل اللى صبح عاطل واللى اتولد عاطل ملقاش نصيب للشغل والخصخصة بيع باطل **** ابكى على الغلبان اللى ينام جوعان ودخله مش بيكفى على طول عايش حيران ولا يوم يعيش دفيان **** ابكى على اللى شاب قبل الشباب مايولى ساب البلد وغاب يجمع فلوس ويعلى والكل يحسد فيه والعيشه عنده هباب **** ابكى ياعين السما ع اللى صبح ميت مش لاقى حق الدوا ولابيرحمه سيد قفلوا عليه الغطا صبحوا لقوة ميت **** ابكى على اللى اتسرع عبه الكروش بالطمع ظلم النفوس بالجشع همه الفلوس تتجمع ولا يوم شعر بالوجع **** ابكى على المجهول العدل فين أراضيه بسأل عن المسؤل ياخلق فين ألاقيه كل العيون باكيه والدمعه أهى شاكيه والنقطة م الدمعه تصنع ياهو دايره والكل مشغــــــول الشاعر طلعــ ...

===== نصيحه حكيم لإبنه ====== //////////////////////////////////////////// يابُنــــَــــــــــــىّ ...................... لا تُفتَنن إذا ما كنت مُبتَلِيا واسأل الناسَ من ليس مُبتَلِيا فالبلوى تأتى وتزداد قسوتها والخير يأتى اذا اشتد البلاء فكلما يأتى العنــــــــــاء يأتى الهدوء بعد الشقاء فَعِش قريرا وانتظر الرخاء واخلص لدينك وارتقب رب السمــــــاء فكل مَن عليها فنـــــاء والربُ باقِِ بلا انتهــــاء فكم من نبات ظل دهرا ساكنا ينتظر مرور المــــــاء وكم من ضالِ عاش ينتظر الهدى فلما آتاه غلبه الغلاء فلا تغالى والزم الوسط فأوسط الاشياء تقيه الانحناء واعمد الى ابنك واتقهِ فالنسل يصلح اذا صلُح البناء واختر لنسلك خير الوعاء واظفر بذات الدين من بين النساء وعش قرير العين غايتك الرجاء فالقلب يمرض ورضائه هو الدواء والكل يسعد اذا صلُح الهواء واقرأ القرآن واحفظة يحفظك ويكن لك شفاء واسلك طريق المصطفى خير الأنبيــــــــــاء وادعـــوا لغيرك بالتُقَى خير الدعــــــــــاء فمن تُحِب من البشر لن تَهدِه ولكنَّ الله يهدى من يشــــــاء الشاعر طلعــ عامر ـــت

لو عل البكا يبقى البكا دم لو ع الدموع تزرف عيونى كم حتى الغنا من الحزن صار هم ساعة ضحى كان الخبر غم +طلعت عامر  

**** الصورة ليه حمرا **** -----************------- الصورة ليه حمرا والحزن كاسيها والغل ليه فيها عشش على وشوشها حتى الظلام فيها باين فى بروازها **** الصورة ليه حمرا والحزن كاسيها كم من فقير فيها ظاهر فِ تفاصيلها أما الشقى فيها عايش فى قسوتها **** الصورة ليه حمرا والحزن كاسيها خلفيه لون الدم والغم ماليها والغد جاى بالهم والشرطاح فيها **** الصورة ليه حمرا والحزن كاسيها طلاب كمان للعلم تحرق مبانيها وشيوخ تفوق فى العلم تفتى بلون الدم تخرب أراضيها **** الصورة لية حمرا والحزن كاسيها شايف أمل فيها بس الأمل محدود طول ماالخراب فيها طالب يكون ممدود **** الصورة ليه حمرا والحزن كاسيها أصل الخراب منها من ناس على أرضها حالفين تكون الصورة على طول كدا حمرا والحزن كاسيها +طلعت عامر 25/10/2014 صبيحة مذبحة الشيخ زويد

---- الدم دا دمـــــــــــــــــــــــى ------- +++++++++++++++++++++++ الدم دا دمــــــــــــــــــــــــــــــى وف حتة من طينـــــــــــــــــــــى ساكن على أرضــــــــــــــــــــى وف عقلة يمحينـــــــــــــــــــــى أنا مش هعيش أبكــــــــــــــــــى على أخويا وابنـــــــــــــــــــــــى أنا بكرة أعيش و أبنــــــــــــــــــى وتتوة كدا فى أرضـــــــــــــــــــى اقتل كمان وكمـــــــــــــــــــــــان خليك كدا خَر فَـــــــــــــــــــــــان دا الدم دا دمـــــــــــــــــــــــــى وف حتى من طينـــــــــــــــــــى تتهنـــــا بِـــــــ ألمــــــــــــــــى تذبح كمان ولــــــــــــــــــــــدى بدعى عليك ربــــــــــــــــــــــى تتذل فى أرضـــــــــــــــــــــــى وأشوف أنا دمـــــــــــــــــــــــك سايل على أرضــــــــــــــــــــى خلصت فيك ندمــــــــــــــــــــى مش هقبلك ولـــــــــــــــــــــدى والدم دا دمـــــــــــــــــــــــــى وف حتة من طينــــــــــــــــــى تقتل أخوك سُنــــــــــــــــــــى أو حتى لو شِيعـــــــــــــــــــى مي...

ثورة عرب .. ثورة غضب كل النفوس صابها العطب شْيل النظام أول طلـــــب رد النظام لأ دا شغــــب سالت دمـــــــــــاء كل البلاد صابها العجب كانوا الشباب فيها رُطَب والكل له ألف سبـــــب أول سبب : العيش يكون تحت الطلب تانى سبب : حريه لازم تنطلـــــب ثالث سبب : عداله واقع يتحسب صاب الربيع كل العرب تونس أهى بداية العرب وال بِن على فر وهرب وفِ ليبيا كانت مجزرة زنجة زنجة وحاره حاره والدم سال حتى الركب كان السلاح مالى البلد والنيتو جه اقفل شطب وفِ مصر كانت مختلف خُلِلع الرئيس رفض الهـــــــــــــرب والشعب قام لماغلب قام النظام  على طول قلب حتى اليمن ! شافت فصول  كانت أخرها انه اتحجب وفِ سوريا باقيه المشكله والحرب لسه مدمره أسد البلد ع الشام ركب اصحوا وفوقوا ياعرب مش هى دى ثورة غضب الثورة محتاجه الأدب حقك ولازم ينطلــــب مش بالسلاح ولا بالشغب ولا نكتفى نكتب شجب بس النظام عند العرب مايعجبوش كل العجب ولا الصيام حتى ف رجب والثورة كانت من القلب بس العِماله من الغرب والكل واقف فى مطب ولا حركه ولاحد يقب ...

.........-----عسكر-----........ عسكر عسكر يعنى ألوف ... مش هنخاف من أى خروف عسكر عسكر يعنى أمان ... مش هنخاف من أى جبان عسكر عسكر يعنى ريادة ... مش اخوان ولا لحس بيادة عسكر عسكر يعنى أسياد ... مش رح يحكمنا الأرشاد عسكر عسكر يعنى وديع ... مش للمرشد فرد مطيع عسكر عسكر يعنى قانون ... مش ارهاب ولا شغل جنون عسكر عسكر يعنى سلام ... مش هلفطة ولا أى كلام عسكر سيسى عسكر شعب ... مش خرفان يحرسهم كلب عسكر عسكر يعنى أسود ... بلا قرداتى بلا شغل قرود عسكر عسكر دايما حاضر ... مش استبن لاسم الشاطر عسكر عسكر مش خرفان ... ولا منهم ابدا عريان عسكر عسكر دول رجالة ... مش تنظيم بيخون بندالة عسكر عسكر يعنى قيادى ... مش ارهابى ولا اى جهادى عسكر عسكر يعنى جنود ... مش جماعات تنظيم هلفوت عسكر عسكر يعنى عزيمة ... مش رح يحكمنا الهليبة عسكر عسكر دول م الشعب ... مش أعداء خاينين للشعب

هد الدولة ********* هد الدولة ياشعب وعيش بلا داخلية بلا جيش يلا نعيش كدة فى التهيس. واللى عاوز حاجة يعملها يقتل يسرق او بالشيشة يلف حشيش اضرب اضرب فى الداخلية كسر كسر هذا الجيش. بلا قانون بلاكلمة دولة عاوزين نمرح سبنا نعيش. هى الدولة هتعمل اية هتسرق اكلى لسعادة البية. هد الدولة ياشاب ولف ولازم تطلع بالف وش بلا دستور بلا مجلس يجى. واية الفايدة ابنى المجلس حل المجلس عدل دستور اعمل دستور.. عطل دستور جدد دستور واهو فى الاخر قطع النور بلا دستور بلا شغل نيابة حتى القاضى حكايتة حكاية. مش عاوزينها تعود تانى دولة. عاوزين نحرق فى الداخلية ونبنى كمان على الارض دا هية بلا زراعية بلا تجارية. واللى فى نفسة حاجة يعملها. قطع واحرق دمر خرب. انسى كلمة ابنى وعمر +طلعت عامر  

.................. اصحى وفوق يابشر............... ****************************** ****** العزبة دى عزبة بشر ******* بس البشر بشوات عايشين عليها بعبر ******* والقلب فية آهات لاف يوم نسيوا السفر ****** ولا بطلوا حكايات أبكى على العزبة ****** ولا على اللى مات .............. اصحى وفوق يابشر .............. دى العزبة عزبة بشر ***** بس البشر أموات الأرض هية الأرض ****** بس المكان متفات والبحر شق الأرض ****** والقطر عدى وفات .................اصحى وفوق يابشر ............. دى العزبة عزبة بشر ***** بس البشر كيت كات لامنهُم عدوا ولا مرة هيهدوا ********أصل الطريق ظلمات السكة مهما تطول لازم هيجى الدور ***** وننسى كلمة هات .................اصحى وفوق يابشر ............ دى العزبة عزبة بشر ***** بس البشر كلمات +طلعت عامر

مرسى يتحدث الى القاضى ******************* انت مين ياعم ++++++++ انت مين ياعم لية سبتنى للهم دة أنا كنت مرة رئيس مش بشتكى من الظلم بحكم أنا نفسى وأسمع كلام عيلتى وأَمر كمان وأحكم واللى يعارضنى كان نفسى بقى يتلم انت مين ياعم دة انا اللى كنت رئيس أسمع كلام مرشد أمرة علية يصير وبحكمتة بحكم مش ناقصى هى تكون قاضى مابيخافشى ودمى أنا يتسم ياعم اصحى وفوق دا انا رئيس شرعى حالف لأعود بالدم مش كل مرة تقول انى أنا المعزول وجماعتى هى الأم لو كنتوا بالملايين مش فارقة لينا الكَم دا احنا اللى اهل الدين شاطرين قوى فى الفهم انت مين ياعم +طلعت عامر

ثورة ع النفس *********** ثاروا وثورنا كانوا وكنا ولاحد شالنا ولاحد سابنا والهم صابنا طلِعت عنينا والفقر زاد والفساد أصبح مالينا والضمير بقى فى المزاد يالا ثوروا تانى مرة ثورة لكن مش عادية ثورة تمحى البلطجية تبنى نفس كمان ذكية ثورة تانى فى الميدان ثورة تفتح البيبان لكل عاطل أو فقير مش للجبان او للحقير ثورة تانى على العروش اللى بنت من السرقة كروش اجرى وامسك حلق حوش كل فاسد عاش فشوش والفقير بقى ممعهوش لقمة ناشفة او غموس ثورة تانى ع الضماير اللى كان فى الغش ساير والنفاق كان فينا صاير اللى لما الحق بان حطوا ع الحيطان ودان شوشروا لينا الودان واللى ثار.. قالوا عنة خان ثورة تانى ع النفوس اللى عاشت للفلوس اللى كات للايد تبوس اللى زمت فى اللى فات واللى نافقت كل آت ثورة تانى من جديد نبنى بعض من جديد بعزيمة أقوى من الحديد نشتغل ونصون بلادنا بالعمل نحفظ ولادنا والنجاح هيكون أملنا والأمان هيكون وصالنا يالا ثوروا تانى مرة ثورة ع النفس العتية +طلعت عامر

ثورة دى ولا صراع على كرسى: &&&&&&&&&&&&&&&&&&&& ثورة دى ولا صراع على كرسى قالوا ربيع عربى.. بس الخريف كان عبرى شالوا الوطن من الراس بس الأمان كان وطنى قسموا البلاد بلدين واتحولوا على بلدى قسموا الشعوب شعبين خدعوا كمان ولدى حرقوا العلم وانداس سرقوا كمان حلمى كان حلمى اصبح فوق وألقى ياناس نفسى كان حلمى ابقى كبير وحلمهم كرسى ثورة دى ولا صراع على كرسى مش فارقة مين يحكم .. العدل بس يسود ولا فارقة مين يظلم .. طول ماالضمير موجود حاول كمان تفهم .. اصل الكلام محدود واقعد بقى واتلم .. لجل الأمان مايعود ثورة دى ولا صراع على كرسى 30سنة صابرين .. وخلعنا أهو الكرسى وسنتين تلاتة قاعدين.. بنصارع الكرسى انسى بقى الكرسى..وانسى كمان مرسى فكر فى حال البلد .. على أى بر هترسى علشان يعود الولد .. من غربتة ويرسى ثورة دى ولا صراع على كرسى بدأ العرب صدام.. واديروا على بلدى وقف العرب فرحان .. ذبحوا ياهو ولدى وعراقنا ضاع وخلاص.. والشام أهى بتغلى ورسولنا قالها زمان .. فى اخر الزمان يأتى الهرج...

---------------((قصة عتريس))--------------- ///////////////////////////////////////////// شوفوا ياناس قصة عتريس جالنا رئيس كان ابليس شال فى صباعة وحط صباعة فى المتاريس قال شرعية مافيش حرية قطع لنا كل الكراريس حصن نفسة وحاصر الكل وسابنا ياهوا نضرب حيص بيس قام عتريس .. قاله ياسيس إنت رئيس ولا انت خسيس فين أفكارك .. فين أحلامك ضاعت أظن مع الجواسيس امشى ياسيدنا وارحل عنا وسبنا نعيش كدة فى التهييس أصلها خربت كنت سجين أو كنت رئيس وأهى دى حكايتك جتنا رئيس .. لما بإدنا خلعنا رئيس وأهو جه دورك تخلع انت مع الجواسيس أه جواسيس لما يفتوا بحرق البيت والبيت بيتنا وانت وهو خلعكم فيس واهو عتريس قاعد تانى وعينة على الفيس لجل يشوف مين يجى رئيس يصلح حالنا ويحمى عيالنا ويملى الكيس وياأبوالريش ان شالله تعيش وارمى علينا حبة بقشيش +طلعت عامر