مابقتش فارقة

مابقتش فارقة
***********

مابقتش فارقة .. انك تغيب
طول ماانت ناسى انى الحبيب
أنا اللى كنت احكى ليلاتى
وانت اللى قلبك
ماكان ليه مجيب
انا اللى سهرت الليالى
وفضلت احلم يومياتى
لجل تصبح يوم سعيد
لجل حبك لية يبقى
شمس طاله فى يوم جديد
...........********...........
مابقتش فارقة.. بعادك يطول
طول ماانت شايف
فى نفسك غرور
طول ماانت حاسس انك امير
وان انا العبد الفقير

وانا اللى كنت احكى حكاياتى
وانت تسمع
بس سمعك كان تقيل
كان تملى خيالى يجى
جنب قلبك
بس قلبك كان عليل
.........*******........
مابقتش فارقة.. أعيش وحيد
اصل فى بعادك
هعيش سعيد
هفضل ناسيك.. طول ماانت ناسى
واغرس فى قلبى
سيخ حديد
همشى ادور على الجديد
هدور والف
وبقلبى اعف
لجل اما الاقى.. انسان جديد
.........******.........

مابقتش فارقة.. تكون معايا
طول ماانت ناسى كمان هوايا
كان نفسى حبك يصبح منايا
لكن القساوة
شالت الغلاوة
وجه مكانها.. غدر النوايا
بلاها حبك
مش ناقصة قلبك
يكسر منايا
.....*******.......
مابقتش فارقة .. تكون غريب
وعن عينية تصبح تغيب
وكل نظرة كانت.. تشيب
وقلبى يبقى لهواك مهيب
.......*******.........
مابقتش أخاف من الشجون
أو من الحَزن أو من السكون
مش هنسى انى فى يوم دعيتك
بس انت قلبك
مش بيخلى من الظنون
..........********.........
مش فارقة .. انك تكون
مقسوم لغيرى
بس الأهم
انة يكون.. هو الحنون
مش هنسى انى فى يوم هويتك
وبحبى ليك قلبك رويتك
وكنت فاكر انى نصيبك
مش فارقة قلبى .. يكون لغيرك
......******.........
مش فارقة
مابقتش فارقة

+طلعت عامر