خواطر طلعــــ عامر ـــت

رثاء أبى المُتَوفَى ------------------ ********** حلمى هو السيد ******** أعيش الحلم فى اليقظة وبسرح فى هوى النسيان تتوة الدمعة فى عينية ويمضى العقل بى هذيان ****** على فراقك ... بعيش ميت ****** وفى بعادك ! يكون حلمى هو السيد أعيش اللحظة من غيرك تكون اللحظة دى سنوات أشوف النظرة من غيرك تكون النظرة دى ظُلمات بتوه فى الدنيا من غيرك ومن غيرك يقولى عظات وآه من الدنيا من بعدك وأنا فى بعدك حياتى آهات وكان موتك فى شهر كريم فِ وقت الفجر والصلوات تعيش ياابا فى قلبى عظيم وببعتلك كتير دعوات ****** على فراقك ... بعيش ميت ****** وفى بعادك ! يكون حلمى هو السيد بنوح وأبكى على روحى وف جروحى تعيش ياابا وفى ضلوعى يعيش اسمك وف الوجدان .. يعيش رسمك يامالك عقلى وعينية ياساكن فى صميم قلبى وأنا صغير ! لقيت الدنيا فى كفك شايلها لي ولإخواتى مِشِيت الدنيا فى صفك لقيت الدنيا شيلانى عاهدت الدنيا لأبنيها وتسكن فى مبانيها تغيب عنى مفاتنها تغادر إنت أراضيها ومش فاكر أغانيها ومش فارق أعيش فيها ****** على فراقك ... بعيش ميت ****** وفى بعادك ! يكون حلمى هو السي...

........... كتاب فاضى ............ //////////////////////////////////// كاتب كتابى عل الورق طلع الورق فاضى طليت بروحى عل الملأ بس الملأ قاضى ليه تشطبوا بالقلم حسى ونبضاتى هل ذنبى إنى الألم عاصر فى دقاتى ياأهل الغُنَى والمغنى اتغنوا بآهاتى ياأهل العلاج والطب داووا بقى جراحى معشوق عشق فى الهوى طلع الكتاب فاضى +طلعت عامر  

علشان نشوف السكة ****** لازم نقف عل الأرض واللى مالوش سكة ******* لا ليه شرف ولاعرض +طلعت عامر  

لو عل البكا يبقى البكا دم لو ع الدموع تزرف عيونى كم حتى الغنا من الحزن صار هم ساعة ضحى كان الخبر غم +طلعت عامر  

,,,,,, أكتب يا قلبــــــــــــــــى ,,,,,,,,,,, ''''''''''''''''''''''''''''''''''''''''''''''''''''''''''''''''''''''''''''''' إكتب ياقلبى كمـــــــــــــــــــــــان كان فى هنا انســـــــــــــــــــــان يتهنا بدموعــــــــــــــــــــــى وأعصر أنا ضلوعـــــــــــــــى أصله كمان غفلـــــــــــــــــــــان عن ليلى وسنينــــــــــــــى كان بعده يكوينــــــــــــــــى والقلب فيه حيـــــــــــــــــــــران كان نفسى يشكى لـــــى أو مره يحكى لـــــــــــــــى عن هجره ليه زمـــــــــــــــــــان وأنا فى الغرام هايمــــــــه عايشه ومش عايشـــــــــه وقلبه ولا يسمـــــــــــــــع ولا مره كان انســـــــــــــــــــان إكذب ياقلبى كمــــــــــــــــــان على ...

**** الصورة ليه حمرا **** -----************------- الصورة ليه حمرا والحزن كاسيها والغل ليه فيها عشش على وشوشها حتى الظلام فيها باين فى بروازها **** الصورة ليه حمرا والحزن كاسيها كم من فقير فيها ظاهر فِ تفاصيلها أما الشقى فيها عايش فى قسوتها **** الصورة ليه حمرا والحزن كاسيها خلفيه لون الدم والغم ماليها والغد جاى بالهم والشرطاح فيها **** الصورة ليه حمرا والحزن كاسيها طلاب كمان للعلم تحرق مبانيها وشيوخ تفوق فى العلم تفتى بلون الدم تخرب أراضيها **** الصورة لية حمرا والحزن كاسيها شايف أمل فيها بس الأمل محدود طول ماالخراب فيها طالب يكون ممدود **** الصورة ليه حمرا والحزن كاسيها أصل الخراب منها من ناس على أرضها حالفين تكون الصورة على طول كدا حمرا والحزن كاسيها +طلعت عامر 25/10/2014 صبيحة مذبحة الشيخ زويد

---- الدم دا دمـــــــــــــــــــــــى ------- +++++++++++++++++++++++ الدم دا دمــــــــــــــــــــــــــــــى وف حتة من طينـــــــــــــــــــــى ساكن على أرضــــــــــــــــــــى وف عقلة يمحينـــــــــــــــــــــى أنا مش هعيش أبكــــــــــــــــــى على أخويا وابنـــــــــــــــــــــــى أنا بكرة أعيش و أبنــــــــــــــــــى وتتوة كدا فى أرضـــــــــــــــــــى اقتل كمان وكمـــــــــــــــــــــــان خليك كدا خَر فَـــــــــــــــــــــــان دا الدم دا دمـــــــــــــــــــــــــى وف حتى من طينـــــــــــــــــــى تتهنـــــا بِـــــــ ألمــــــــــــــــى تذبح كمان ولــــــــــــــــــــــدى بدعى عليك ربــــــــــــــــــــــى تتذل فى أرضـــــــــــــــــــــــى وأشوف أنا دمـــــــــــــــــــــــك سايل على أرضــــــــــــــــــــى خلصت فيك ندمــــــــــــــــــــى مش هقبلك ولـــــــــــــــــــــدى والدم دا دمـــــــــــــــــــــــــى وف حتة من طينــــــــــــــــــى تقتل أخوك سُنــــــــــــــــــــى أو حتى لو شِيعـــــــــــــــــــى مي...

ثورة عرب .. ثورة غضب كل النفوس صابها العطب شْيل النظام أول طلـــــب رد النظام لأ دا شغــــب سالت دمـــــــــــاء كل البلاد صابها العجب كانوا الشباب فيها رُطَب والكل له ألف سبـــــب أول سبب : العيش يكون تحت الطلب تانى سبب : حريه لازم تنطلـــــب ثالث سبب : عداله واقع يتحسب صاب الربيع كل العرب تونس أهى بداية العرب وال بِن على فر وهرب وفِ ليبيا كانت مجزرة زنجة زنجة وحاره حاره والدم سال حتى الركب كان السلاح مالى البلد والنيتو جه اقفل شطب وفِ مصر كانت مختلف خُلِلع الرئيس رفض الهـــــــــــــرب والشعب قام لماغلب قام النظام  على طول قلب حتى اليمن ! شافت فصول  كانت أخرها انه اتحجب وفِ سوريا باقيه المشكله والحرب لسه مدمره أسد البلد ع الشام ركب اصحوا وفوقوا ياعرب مش هى دى ثورة غضب الثورة محتاجه الأدب حقك ولازم ينطلــــب مش بالسلاح ولا بالشغب ولا نكتفى نكتب شجب بس النظام عند العرب مايعجبوش كل العجب ولا الصيام حتى ف رجب والثورة كانت من القلب بس العِماله من الغرب والكل واقف فى مطب ولا حركه ولاحد يقب ...

الشعر أصبح قصتى وبات مسكن وحدتى على جواده أمتطى وأسير عَبْرَ أذقتى بات الصديق ُ المؤنسِِ بالشعر أكتب عن مايجول بخاطرى وبحروف الهجاء تكـــــــــــون قصيدتى فى الحب أُظهِر لوعتى وفى الشوق تبدو لهفتى وعلى الفراق تأتى حسرتى أما السياسة فأعيش فيها حالتى وأكتب فيها رؤيتى أهجو من أهجو ولكــــــــــن بحكمةِ وفى المديـــــح أتخير بُغيَتــــــى وأُضيف اليها لمستى أما الحيـــــاة ففيها أُخرج كبوتى وأداعب الاشياء فيها خاصتى يأتى الهجاء .. ويأتى الرثاء أينما تحين القصةِ بالشعر تُبحرُ فكرتى وبه أُحقق غايتى فالحزن يُدمِى مقلتى والشعر يُؤنس وحدتى والهجر يُؤرقُ مضجعى والشعر نور أسِرَتى والفكر يُشعل فطرتى والشعر أصل طبيعتى أنا شاعرٌ .. أنا حالمٌ بالشعر أُشبع رغبتى +طلعت عامر  

يامركبى هدى ............... دى موجة هتعدى يامركبى شيلى .............شوية من همى فارد انا شراعى.............ماسك انا حقى يامركبى سيرى........... وارسى على شطى حامل انا همى...........وبدفتك برسى يامركبى هدى دى موجة هتعدى +طلعت عامر  

.........-----عسكر-----........ عسكر عسكر يعنى ألوف ... مش هنخاف من أى خروف عسكر عسكر يعنى أمان ... مش هنخاف من أى جبان عسكر عسكر يعنى ريادة ... مش اخوان ولا لحس بيادة عسكر عسكر يعنى أسياد ... مش رح يحكمنا الأرشاد عسكر عسكر يعنى وديع ... مش للمرشد فرد مطيع عسكر عسكر يعنى قانون ... مش ارهاب ولا شغل جنون عسكر عسكر يعنى سلام ... مش هلفطة ولا أى كلام عسكر سيسى عسكر شعب ... مش خرفان يحرسهم كلب عسكر عسكر يعنى أسود ... بلا قرداتى بلا شغل قرود عسكر عسكر دايما حاضر ... مش استبن لاسم الشاطر عسكر عسكر مش خرفان ... ولا منهم ابدا عريان عسكر عسكر دول رجالة ... مش تنظيم بيخون بندالة عسكر عسكر يعنى قيادى ... مش ارهابى ولا اى جهادى عسكر عسكر يعنى جنود ... مش جماعات تنظيم هلفوت عسكر عسكر يعنى عزيمة ... مش رح يحكمنا الهليبة عسكر عسكر دول م الشعب ... مش أعداء خاينين للشعب

هد الدولة ********* هد الدولة ياشعب وعيش بلا داخلية بلا جيش يلا نعيش كدة فى التهيس. واللى عاوز حاجة يعملها يقتل يسرق او بالشيشة يلف حشيش اضرب اضرب فى الداخلية كسر كسر هذا الجيش. بلا قانون بلاكلمة دولة عاوزين نمرح سبنا نعيش. هى الدولة هتعمل اية هتسرق اكلى لسعادة البية. هد الدولة ياشاب ولف ولازم تطلع بالف وش بلا دستور بلا مجلس يجى. واية الفايدة ابنى المجلس حل المجلس عدل دستور اعمل دستور.. عطل دستور جدد دستور واهو فى الاخر قطع النور بلا دستور بلا شغل نيابة حتى القاضى حكايتة حكاية. مش عاوزينها تعود تانى دولة. عاوزين نحرق فى الداخلية ونبنى كمان على الارض دا هية بلا زراعية بلا تجارية. واللى فى نفسة حاجة يعملها. قطع واحرق دمر خرب. انسى كلمة ابنى وعمر +طلعت عامر  

.................. اصحى وفوق يابشر............... ****************************** ****** العزبة دى عزبة بشر ******* بس البشر بشوات عايشين عليها بعبر ******* والقلب فية آهات لاف يوم نسيوا السفر ****** ولا بطلوا حكايات أبكى على العزبة ****** ولا على اللى مات .............. اصحى وفوق يابشر .............. دى العزبة عزبة بشر ***** بس البشر أموات الأرض هية الأرض ****** بس المكان متفات والبحر شق الأرض ****** والقطر عدى وفات .................اصحى وفوق يابشر ............. دى العزبة عزبة بشر ***** بس البشر كيت كات لامنهُم عدوا ولا مرة هيهدوا ********أصل الطريق ظلمات السكة مهما تطول لازم هيجى الدور ***** وننسى كلمة هات .................اصحى وفوق يابشر ............ دى العزبة عزبة بشر ***** بس البشر كلمات +طلعت عامر

أُذكرينى *********** أُذكرينى ... واحلمى وانسى انى كنت آدمى وتذكرى أنى ملاك أتى اليكى لتسعدى هيا افرحى انسى همومك واسعدى هيا احلمى وعلى الحصان راح تركبى ويطير بيكى فى السما إنتى وانا أُذكرينى ... واشربى كاس الهوى وتذكرى أنى أمير فى الهوى قلبى ملاك وجناحى فارد فى الهوا طاير لفوق وبعلو صوت بزعق وأقول ان الفراق مش ذنبنا ولاذنب قلب حبنا لازم نعود وبسرعة نمسك حبنا أُذكرينى... وافهمى إن الكلام مش من فمى دا القلب هو اللى بيحكى ويشتكى أُذكرينى ... ولوتغيبى بردة حسك من نصيبى مهما قلبك حب غيرى مش راح أنسى إنى ف بعادك .. حد تانى حد نفسة يتولد ويعيش عشانك أُذكرينى ... وفكرينى بال كان بس انسى بردة الِ كان بينا وكان علشان نعود يمكن نعود ويبقى الِ جاى .. أحسن من الِ كان أُذكرينى ... واسألى عن أمسى .. ويومى .. وغدى ولتعلمى أمسى عذاب ويومى شاب وغدى ينتظر العتاب عاتبينى واذكرينى . . اذكرينى +طلعت عامر  

............. عيناها ......................... *********************** لم أرى سوى عينُها فتعلقت روحى بروحها فسألتها .. عن اسمها فقالت لى .. انها شذى وسألتها .. عن رسمُها فقالت لى .. منتهى الهدى فتاهت عيونى بين جفونها و سحرتنى أسرتنى وسكن عقلى فى جفنها أيتها العين الساهرة أُذكرينى حتى لو لم أكن فى الذاكرة لا تنسى أنى شاهدتك وسهرت الظُلمة ُمن أجلك لا تنسى أن عيونك سحرتنى ففقدت العقل فأذهبنى لاتنسى حديث الأمس وكلامى لكى بالهمس فالليل طويل ........ عذبنى أنسانى العقل .... وأفقدنى فبعثت اليكى برسالة فحواها أنكى فى رأسى فدعينى ألِفظ أنفاسى وأعود وحيدا كالأمسِ مبتور الالفة والحس +طلعت عامر  

.............................. )) اسلامنا ((.......................... ............................** *******....................... .... اسلامنا هو الدين ........................ لكل المرسلين اسلامنا دين رسول ..................... رحمة للعالمين نزل بالرسالة ........................... للناس أجمعين والمعجزة الكبرى أسرى به ربه ...................... للمسجد الأقصى وأَم المرسلين وعرج به ربه .................... لسدرة المنتهى وقف جبريل وقاله ............. مكانى هنا انتهى ....... اسلامنا ... اسلامنا .... اسلامنا وفرض لنا الصلاة وعاد للمسلمين يحكلهم قصتة .............. وصديقة صدقة .......... اسلامنا ... اسلامنا ... اسلامنا اسلامنا له كتاب ................... القرأن المجيد يعلمنا الحياة ...................... بالحب والتجديد .......... اسلامنا .... اسلامنا ... اسلامنا..... اسلامنا دين الرحمة ................ والمغفرة والصحبة يعلمنا المودة ....................... والموعظة الحسنة اسلامنا مش كلام ................. ولاهلفطة وشعارات اسلامنا دين تمام ........

كله له لوأهون... مش يهون بس فاكرك وانت ناسى بس حاسك وأنت قاسى الكلام الحلو رااااااااااااااااااااااااح والعذاب المر جة والظلال والتلال مهما تبعد مش راح أبعد بردة فاكرك فى الصبااااااااااااااااااااااااح شمس فجرك لية لاااااااااااااااااااااااااح دة الكلام الحلو رااااااااااااااااااااااااح والعذاب أصبح مذااااااااااااااااااااااح +طلعت عامر

مابقتش فارقة *********** مابقتش فارقة .. انك تغيب طول ماانت ناسى انى الحبيب أنا اللى كنت احكى ليلاتى وانت اللى قلبك ماكان ليه مجيب انا اللى سهرت الليالى وفضلت احلم يومياتى لجل تصبح يوم سعيد لجل حبك لية يبقى شمس طاله فى يوم جديد ...........********........... مابقتش فارقة.. بعادك يطول طول ماانت شايف فى نفسك غرور طول ماانت حاسس انك امير وان انا العبد الفقير وانا اللى كنت احكى حكاياتى وانت تسمع بس سمعك كان تقيل كان تملى خيالى يجى جنب قلبك بس قلبك كان عليل .........*******........ مابقتش فارقة.. أعيش وحيد اصل فى بعادك هعيش سعيد هفضل ناسيك.. طول ماانت ناسى واغرس فى قلبى سيخ حديد همشى ادور على الجديد هدور والف وبقلبى اعف لجل اما الاقى.. انسان جديد .........******......... مابقتش فارقة.. تكون معايا طول ماانت ناسى كمان هوايا كان نفسى حبك يصبح منايا لكن القساوة شالت الغلاوة وجه مكانها.. غدر النوايا بلاها حبك مش ناقصة قلبك يكسر منايا .....*******....... مابقتش فارقة .. تكون غريب وعن عينية تصبح تغيب وكل نظرة كانت.. تشيب وقلبى يبقى لهواك مهيب ....

أمدح فى النبى *********** حبيت أمدح فى النبى ................. قلت النبى العدنان جميل وأجمل من خَلق ................ ماهو نوره من الرحمن صادق أمين فى البشر ............... سيد عظيم الشاان مولايا صانة وحفظ .................... من الظلم والطغيان مولود يتيم اتولد ...................... هدية من الرحمن أعظم نبى من البشر ............. وكتابة القرآن أحمد محمد مصطفى............. محمود أهو فى السما عرضوا علية الجاة ................ والعزة والسلطان قال دينى هو الرساله .......... مش هرضى غيرة مكان مبعوث لنا رحمة ................ حارس جنتة رضوان صلى عليه ربنا ................. والكل صلى علية حافظ كتاب ربنا ............ماهو أصلة بيحبنا ياخلق صلوا علية اللهم صلى وسلم وبارك عليه +طلعت عامر  

مرسى يتحدث الى القاضى ******************* انت مين ياعم ++++++++ انت مين ياعم لية سبتنى للهم دة أنا كنت مرة رئيس مش بشتكى من الظلم بحكم أنا نفسى وأسمع كلام عيلتى وأَمر كمان وأحكم واللى يعارضنى كان نفسى بقى يتلم انت مين ياعم دة انا اللى كنت رئيس أسمع كلام مرشد أمرة علية يصير وبحكمتة بحكم مش ناقصى هى تكون قاضى مابيخافشى ودمى أنا يتسم ياعم اصحى وفوق دا انا رئيس شرعى حالف لأعود بالدم مش كل مرة تقول انى أنا المعزول وجماعتى هى الأم لو كنتوا بالملايين مش فارقة لينا الكَم دا احنا اللى اهل الدين شاطرين قوى فى الفهم انت مين ياعم +طلعت عامر

ثورة ع النفس *********** ثاروا وثورنا كانوا وكنا ولاحد شالنا ولاحد سابنا والهم صابنا طلِعت عنينا والفقر زاد والفساد أصبح مالينا والضمير بقى فى المزاد يالا ثوروا تانى مرة ثورة لكن مش عادية ثورة تمحى البلطجية تبنى نفس كمان ذكية ثورة تانى فى الميدان ثورة تفتح البيبان لكل عاطل أو فقير مش للجبان او للحقير ثورة تانى على العروش اللى بنت من السرقة كروش اجرى وامسك حلق حوش كل فاسد عاش فشوش والفقير بقى ممعهوش لقمة ناشفة او غموس ثورة تانى ع الضماير اللى كان فى الغش ساير والنفاق كان فينا صاير اللى لما الحق بان حطوا ع الحيطان ودان شوشروا لينا الودان واللى ثار.. قالوا عنة خان ثورة تانى ع النفوس اللى عاشت للفلوس اللى كات للايد تبوس اللى زمت فى اللى فات واللى نافقت كل آت ثورة تانى من جديد نبنى بعض من جديد بعزيمة أقوى من الحديد نشتغل ونصون بلادنا بالعمل نحفظ ولادنا والنجاح هيكون أملنا والأمان هيكون وصالنا يالا ثوروا تانى مرة ثورة ع النفس العتية +طلعت عامر

..........((انسان غريب))............... **************************** أنا .. انسان غريب وحاسس بشئ عجيب انسان خيالى وعايش فى حالى وماليش ياناس أبدا حبيب أحب أساعد الغريب وراجل قوى مع القريب وياما صديق لية خان فى عز ماكان عندى حبيب وياما قريب لية كان يقابلنى بوش ومن وراه ألقى الغش وأكتشف انة بألف وش لكنى .. انسان غريب ولأى اشارة بكون لبيب ساعات أفتكر انى شيطان وساعات أكتشف انى ولد غلبان من الناس ياناس مش بعرف أتعلم ومن كتر الظلم مش بقدر أتكلم وأيام كثيرة بعيش وبتألم لكنى فى الاخر.. انسان غريب بقدر أعيش وسط أى لهيب ياما فى الحياة قابلونى ومفرقش عندى انهم خانونى وكتير قوى لامونى إنى للألم بتحمل ومع الخاين بردة بكمل ودة من أصلى ودى مش طيبة ممكن خيبة أو مثالية زيادة ع اللازم بس الثابت إنى مسالم أصلى .. انسان غريب ومؤمن ياناس بأى نصيب رامى حمولى على ربى واللى خانونى هو حسبى كاتم فى قلبى ياناس همى واللى ظلمنى هحمية ظلمى وبكدا أفضل غريب وأفضل كمان انسان مهيب +طلعت عامر

.......((حكمة عجوز))......... ******************* الدنيا شابت فى عينينا .. لما شبنا عدَّى الشباب مرة علينا .. ثُمَ شبنا ياشاب سيبنا .. شيبنا تَعِِبنا دا الشعر الأبيض طق فط من السواد وانحنى الظهر ال ظل واقف كالعماد والمرض أصبح مالينا والبداية الضغط زاد ياشاب رَوَّق .. اصحى وفَوَّق بكرة الشباب يصبح مشاب دى اليد بعد ماكانت قوية صِبِحت طرية .. بس العقل زاد فبلاش تقول عنى عجوز وان جيت أحاورك .. بالوش تضرب ل بوز دا أنا العجوز بالخبرة بس أقدر أفوز دى الحكمة تيجى بالسنين والخبرة من كتر الأنين مش معنى ان الشعر شاب أبدأ كلامى معاك سباب ولا فارقة عندى تكون شباب وألقى ف كلامك سِنة عتاب احنا المشيب وانتوا الشباب بنمد ايد .. ونسد للشر باب ياشاب اهدى .. فكر وارسى وبلاش تعيش وحدك عذاب أحسن تشيب وتعيش كئيب وتفنى عمرك فى العقاب مش بالشباب وحدة تسود لأ بالمشيب مع الشباب نقدر نعود ايدك فى ايدى هشد حيلك وتشد حيلى وبقوة منك وبخبرة منى نقدر نسود ونكون أسود مش بالشباب وحدة تعود ولا بالعجوز وحدة نسود القصة مش قصة شباب ولا القيادة تكون مشاب القصة ان الحكم شاب...

مشيت ****** مشيت .. مشيت..مشيت مااستنيت..حد يحبنى ولا البعد يهزنى وفضلت أفكر... أفكر فى اللى فات بعد ماعدى وفاااات أصل السُكااااااااااااااات ذنب الحزين اللى لوحدة عاش دفين الوحدة مش وحدة مكان الوحدة كانت من الزمان اللى على الهجر حكم اللى على الحس اتبكم اللى تجرع من الهموم وف دمة عاش كل السموم كان فاكر انة عاش أمير مرضاش يعيش أبدا سجين قرر يعيش فى الكون لوحدة وقلبة مايصبح حزين ...-----...-----...---- مشيت .. مشيت ..مشيت مااستنيت.. حد يحبنى ولا البعد يهزنى وكنت فاكر .. إنى سعيد وف يوم وليلة بقيت وحيد مش لاقى حد يمد ايد أصل الأكيد إنى عنيد مالقتش حد يكون فريد يجمل معايا .. همى ومنايا ويكون هوايا وأعيش معاه أجمل حكايه أصل الحكاية إن النهاية جت من زمان وبردة كان نفس المكان نفس الزمان ومن ساعتها .. راح الأمان والشك علق على الودان والقلب قفل كل البيبان قرر يعيش وحدة فى أمان بس الأمان إنك تعيش قلبك سعيد جنبك حبيب ياخد بإيدك .. ويشد حيلك ويكون صديق وقت الهموم ويكون حبيب على العموم ويكون مثالى ... ويكون خيالى وقت الظنون ويكون مخاوى .. قلبة...

ثورة دى ولا صراع على كرسى: &&&&&&&&&&&&&&&&&&&& ثورة دى ولا صراع على كرسى قالوا ربيع عربى.. بس الخريف كان عبرى شالوا الوطن من الراس بس الأمان كان وطنى قسموا البلاد بلدين واتحولوا على بلدى قسموا الشعوب شعبين خدعوا كمان ولدى حرقوا العلم وانداس سرقوا كمان حلمى كان حلمى اصبح فوق وألقى ياناس نفسى كان حلمى ابقى كبير وحلمهم كرسى ثورة دى ولا صراع على كرسى مش فارقة مين يحكم .. العدل بس يسود ولا فارقة مين يظلم .. طول ماالضمير موجود حاول كمان تفهم .. اصل الكلام محدود واقعد بقى واتلم .. لجل الأمان مايعود ثورة دى ولا صراع على كرسى 30سنة صابرين .. وخلعنا أهو الكرسى وسنتين تلاتة قاعدين.. بنصارع الكرسى انسى بقى الكرسى..وانسى كمان مرسى فكر فى حال البلد .. على أى بر هترسى علشان يعود الولد .. من غربتة ويرسى ثورة دى ولا صراع على كرسى بدأ العرب صدام.. واديروا على بلدى وقف العرب فرحان .. ذبحوا ياهو ولدى وعراقنا ضاع وخلاص.. والشام أهى بتغلى ورسولنا قالها زمان .. فى اخر الزمان يأتى الهرج...

---------------------)) أمى((--------------- أمى هى نورى وهى علمى وهى حلمى أمى هى شمسى وهى قمرى وكل عيلتى أمى شايلة همى وساكنة قلبى وكل كلى أمى روحى رايحةوعقلى طاير فيكى انتى أمى ضمة لامة وحاضنة كل ولادك انتى أمى صاينة أبويا وحامية أخويا وللبيت بتبنى أمى مهما أقول عنك وأحكى مش هقدر أوفى حقها زايد علية وكل أملى علية ترضى هى أمى .. وهى علمى .. وهى حلمى أنا مهما أقول عنك ياغالية ... مش هَوَفِى اللى علية وأنا عمرى فتح بين اِيديكى يانور عينية دا أنا النسيم شوفتة فى هواكى .. ياكل اللى لية أمى هى أمى ..وهى علمى .. وهى حلمى +طلعت عامر  

---------------((قصة عتريس))--------------- ///////////////////////////////////////////// شوفوا ياناس قصة عتريس جالنا رئيس كان ابليس شال فى صباعة وحط صباعة فى المتاريس قال شرعية مافيش حرية قطع لنا كل الكراريس حصن نفسة وحاصر الكل وسابنا ياهوا نضرب حيص بيس قام عتريس .. قاله ياسيس إنت رئيس ولا انت خسيس فين أفكارك .. فين أحلامك ضاعت أظن مع الجواسيس امشى ياسيدنا وارحل عنا وسبنا نعيش كدة فى التهييس أصلها خربت كنت سجين أو كنت رئيس وأهى دى حكايتك جتنا رئيس .. لما بإدنا خلعنا رئيس وأهو جه دورك تخلع انت مع الجواسيس أه جواسيس لما يفتوا بحرق البيت والبيت بيتنا وانت وهو خلعكم فيس واهو عتريس قاعد تانى وعينة على الفيس لجل يشوف مين يجى رئيس يصلح حالنا ويحمى عيالنا ويملى الكيس وياأبوالريش ان شالله تعيش وارمى علينا حبة بقشيش +طلعت عامر  

///// الدنيا ساعة/////// ******************* الدنيا ساعة واحنا فيها العقارب بنلف فيها والكل عاوز يبقى غالب لف الزمان بالناس واللى كانوا انصاص صبحوا خلاص قالب! والحكمة سهلة لاتعيشها ظالم.. ولاتعيشها راهب دى الدنيا ساعة والزمن دوار حبينا نجمع من الفلوس مليار ومشينا فيها من السنين مشوار وبنلقى فيها كتير أخيار وبنلقى فيها كتير أشرار والحكمة فيها .. كلها أسرار فاختار لنفسك عيشة فيها ترتاح وتصبح من الأحرار والدنيا ساعة والضعف فيها نفوس لية يابن أدم بتظلم وشوش تعاند وتغدر وتعيشها فشوش تكسبها ترضى باللى ليك تعاندها تجرى كالوحوش ارسم على الوش بسمة يصبح بشوش واختم على القلب رحمة تبنى العروش دى الدنيا ساعة والنفس طماعة بنجمع فلوسها ..........: ونفسد نفوسها وننسى شبابنا ..........: ونظلم ماشيبنا ونُحجر قلوبنا .............: ونفسد ماتُبنَا والهم ملازمنا ............: والسماح لزمنا والفكر يصيبنا ............: والرزق نصيبنا والدنيا تلاهى ...........: والكل فى ملاهى ونعيشها حكاوى ........: ونشوفها شكاوى والكل ف بلاوى تكسبها تدارى ..........: تخسرها تنا...

--------------((قصة وطن ))-------------- --------------((قصة ثورة ))--------------- يامصر قامت قيامتك والشباب غير نهايتك قاموا وهبوا ع النظام واشتركوا فيها شباب عظام وقفوا وقالوا للنظام امشى وارحل يانظام أحزاب كتير وقفوا وهبوا ورجال كتير من برة وصلوا والكل طلب المشاركة حتى الغريب حاز الموافقة واندس فيها ناس كتير يشوهوا سمعة بلدنا لكن الشباب وقفوا بعزة نفس عِزة الفراعنة وقف الشباب على كل حارة وكل شارع أو طريق وفى ايدة ماسك ايد خشب أو ايد حديد وبكفة يضرب معتدى أو أى قاطع للطريق وسمعنا من الاعلام نشرات كتير..وكلام كتير عن عملا .. وخونة .. وكمان صمود فى التحرير آراء كثيرة اتبدلت واشخاص كتيرة اتحولت أحزاب ووطنيين.. الكل بقى قسمين قوايم بيضا وقوايم سودا حتى اختلفوا ع الوطنيين حطوا عصام وشالوا شفيق وجابوا وزير وشالوا وزير والمزرعة صبحت مزار بعد اما لمت الأشرار واتحولوا الأشرار الى أحرار واتحولوا الأخيار الى أشرار قالوا الجيش هو الأمل بس الدولة تكون مدنية قالوا العدل هو الثمن بس نشوف فين الحرية واتعدل الدستور..والكل وقف فى الدور خلاص بقالنا رئيس كفاية...

جف القلم فى رأسى .. واغرورقت أناملى فى كفى وزاد الحنين الى أمسى .. واشتاقت روحى الى نفسى وهكذا الدنيا بنا تمضى .. دون الرجوع الى الأمسِ +طلعت عامر

الامور تتشكل على حسب روايتها فان كان الراوى غوى صنعها بشكل ذكى! وان كان الراوى غبى صاغها فى شكل معىِّ ! وان كان الراوى مضلّ أحدثها بشكل مخلّ وان كان الراوى عدل كانت الرواية فضل #طلعت_عامر

قوم يامصرى شد حيلك داانت اصلى حتى لو خطيت لبرة بردة مصرى والأمان فى ارضك انت بردة حصرى والريادة والقيادة تيجى لمايعود لى عصرى قوم يامصرى ابنى نفسك من جديد خلى ام الدنيا تضحك من جديد +طلعت عامر

...................... أنا المصرى ....................... ************************************** سألونى عن اسمى ................. جاوبت أنا المصرى فلاح أنا بفاسى ................... حارس أنا أرضى و بإيدى كراسى .................... شايل أنا قلمى وأخواتى وأصحابى ................. ساكنين كمان قلبى .......... ماهو أصل انا المصرى ...................... دكتور أنا ناوى ................... لبلدى راح أبنى كاتب أنا قصصى .............. وعن بلدى راح أحكى ظابط انا سلاحى ............... لحدودى أنا بحمى ............ ماهو اصل أنا المصرى .................... فرعون أنا ماضى ............... حتى اسألوا هرمى وحكايتى عجبانى ............ وفى أرضى انا أثرى .............. ماهو اصل انا المصرى ............... وبجندى ألبانى ................. بنيت أنا قصرى حتى البريطانى ................ ياما عاش على أرضى كان همة يمحينى .............. وأنسى انا وطنى .......... لكن انا المصرى ......................... شلت البريطانى .......... وحفيد الالبانى وقررت يحكمنى ............. ابنى انا...

رثاء أبى المُتَوفَى ------------------ ********** حلمى هو السيد ******** أعيش الحلم فى اليقظة وبسرح فى هوى النسيان تتوة الدمعة فى عينية ويمضى العقل بى هذيان ****** على فراقك ... بعيش ميت ****** وفى بعادك ! يكون حلمى هو السيد أعيش اللحظة من غيرك تكون اللحظة دى سنوات أشوف النظرة من غيرك تكون النظرة دى ظُلمات بتوه فى الدنيا من غيرك ومن غيرك يقولى عظات وآه من الدنيا من بعدك وأنا فى بعدك حياتى آهات وكان موتك فى شهر كريم فِ وقت الفجر والصلوات تعيش ياابا فى قلبى عظيم وببعتلك كتير دعوات ****** على فراقك ... بعيش ميت ****** وفى بعادك ! يكون حلمى هو السيد بنوح وأبكى على روحى وف جروحى تعيش ياابا وفى ضلوعى يعيش اسمك وف الوجدان .. يعيش رسمك يامالك عقلى وعينية ياساكن فى صميم قلبى وأنا صغير ! لقيت الدنيا فى كفك شايلها لي ولإخواتى مِشِيت الدنيا فى صفك لقيت الدنيا شيلانى عاهدت الدنيا لأبنيها وتسكن فى مبانيها تغيب عنى مفاتنها تغادر إنت أراضيها ومش فاكر أغانيها ومش فارق أعيش فيها ****** على فراقك ... بعيش ميت ****** وفى بعادك ! يكون حلمى هو ...

ثورنا وغيَّرنا ثم اختلفنا وانقسمنا بقينا سنة وسنة. سلفى وجهادى دة ليبرالى ودة علمانى ودول نخبة ودول اعلام ودول هما اصل الكلام قالوا علينا يد واحدة وادى التاريخ يشهد لنا بالوحدة بس انقسمنا واختلفنا حتى فى وشوشنا حتى الضماير باعت ضميرها حتى التاريخ غيركلامة عن طريقنا بس الحكاية مش حكاية وطن اصل الحكاية حكاية شعب والشعب من الهم اتردم والبؤس كاسى على الوشوش حتى الدموع نزفت ألم هل فية خلاص ايوة خلاص ضاع مننا ..كان حلمنا نبنى وطن قوم ياوطن عشش على ولادك ضمهم قوووووووووووم  ياوطن +طلعت عامر   

***(( انتِ ))*** -------------------- كل عيد : يبقى عيدك انتِ كل فرحة! كل ضحكة لما أعيش عليكى انتِ كل همى مش هممنى الأهم أشوفك انتِ راضية بيه : وكل فكرى فيكى انتِ دا انتى بلدى .. وانتى عهدى وانتى مصر أيوة انتِ انتى غالية .. وانتى عالية رغم الصعاب بدعى ربى ترجعلنا تانى انتِ هرسمك وردة فى خيالى أصل حالك هو حالى هرسمك نسمة فى هوايا لما بفرح بيبقى فرحى ليكى انتِ هرسمك على ورقة بيضا كل حرف باسمك انتِ هشتكى للدنيا همى والأهم رضاكى انتِ +طلعت عامر  

بحلم بيوم ******** بحلم بيوم .... كلنا نرجع نعيش .. مع بعضنا زى الهوى .. زى الدفى ماالحضن أصلاََ كان هنا كان مننا .. انت وانا أحلام عمرنا نصبح سوا نصبح نعيش ومانشتكيش من الضنا نصبح أحرار نمشى المشوار انت وانا نبقى ثوار يبقى استقرار من هنا بس احنا مش قد الهوى ولا احنا قد اللى اشتكى احنا هنا .. وانتوا هنا يلابنا نرجع كلنا نمشى سوا ونحلم سوا يلابنا نعشق بعضنا ونعيش فى خيرها وأرضها ماهى دى بلدنا كلنا وعزنا من عزها ورسولنا قال لنا عنها محميه هى وشعبها +طلعت عامر  

بقلم (( طلعت عامر )) (الشهيد) ********* حدفاهم يعنى اية كلمة شهيد حد عارف هو مين يبقى الشهيد حد واقف على الحدود بيحمى أرضة من اليهود وبيتقتل من ايد لدود أصل دينة .. دين يهود بس الأكيد ان اللى مات .. هو الشهيد ماهو دة اللى اسمة الشهيد حد فوق البرج واقف شال سلاحة وهو عارف انة حامى ومش غتيت وبيتقتل من أخ زية غدر طبعا دة أكيد أصل دة هو الشهيد حد عام فى البحر مرة راح وكان هو الغريق ماهو بردة دة اسمة شهيد حد قاعد جوة بيتة راح لة واحد من عبيدة قالة: اطلع قالة:لأ قالة: روحك مش هسيبها قالة: ربى لو أراد ..يبقى خدها قام واخدها هو دة بردة الشهيد حد حارس كل مالة جة حرامى هددة حتى بعياله رد واقف طب وماله قام حارسهم وبكدا أصبح شهيد أصل دة هو الشهيد حد كان فى الشرطة ظابط أو مجند أو خفير فى المكان حارس وظابط جالة حد لئيم حقير وبغدر طالة من بعيد برصاصة طايشة من حديد ماهو دة أصل الشهيد حد رافض يبقى عبد ونفسة يبقى فى أحلى عهد قام مسالم شال همومة..وهو حالم يبنى وطنة من جديد أصبح شهيد هو دة بردة الشهيد حد رافض يتسجن.................رغم انة كان س...

ردا على قصيدة ((اغضب)) التى شاهدتها على قناة احرار 25 وقناة الشرعية فهذة قصيدة اخرى بعنوان ((اغضب)) ولكن بعيون اخرى ............................................................................... ((اغضب)) ******** اغضب وقول كلمتك دى الثورة دى ولت واعرف كمان سكتك أحسن تصير ميت والكل شاف حكمتك لما بقيت سيد انسى طريق مرشدك دى الثورة اهى حكمت اغضب وثور على نفسك دى النفس أمارة حاول تصون نفسك والعبها بشطارة مش كل ثورة تقوم انت الحكم فيها ولا كل ظلم يدوم طول ماالأمل فيها اغضب وقول كلمتك حاسب كمان نفسك البس ياشيخ عمتك وارجع الى ربك وأوعاك تعيش ميت أو تشتهى كرسى وأوعاك تكون سيد يقتلنى ويدوسنى اغضب وقول كلمتك واحفظ كتاب ربك وبلاش تخون سيدك مش هى دى رسالتك عدل كمان سكتك واعرف ياشيخ غايتك بعينيك أشوف قوتك وبعينى أشوف ضعفك اغضب يافرد فى جماعة أحسن تعود فزاعة ويعلقوك شماعة والكل رافض جماعتك والكل كارة ولايتك والكل شارك لعزلك فبلاش تندب لى حظك وارجع ياأخ لرشدك اغضب وعيش الأمان وبلاش تعادى الزمان وانسى ياشيخ اللى كان ثمانين سنة دعوتك ضليت ياشيخ سكتك...

ســــــــــــــــــــــــؤال : هل عودت لسانك على كلمة شكرا هل تقول شكرا للبائع بعد شرائك ؟ هل تقول شكرا لسائق الميكروباص عندما تنزل؟ هل تقول شكرا لصاحبك عندما يبادر بالاتصال عليك؟ هل تقول شكرا لأمك فى نهاية كل يوم؟ هل تقول شكرا اذا قدم لك أحد هدية؟ . . هل تقول شكر لربــــــــــــــــــــــــــــك ------ كلمة بسيطة لكن وقعها جميل عودوا لسانكم على شكر البشر حتى تتذكروا شكر رب العالمين طلعت عامر

مقبول أن تختلف العقـــــــــــــــــــــــــــــول ومرفوض أن تختلف القلــــــــــــــــــــــــــوب لأن اختلاف ‫#‏ العقول‬ فكر واختلاف ‫#‏ القلوب‬ كره طلعت عامر

---------------- الإنسان -------------------- ***************************** أنا البحر .. أنا الأحزان أنا الإنسان أنا الشق الِ شق الأرض لكن حيران أنا الشاكى .. أنا الباكى على الأوطان أنا اللى الغربة وجعتنى وضاع منى دفى الجيران أنا المغلوب على أمره أنا الظالم .. أنا المظلوم أنا السجان أنا العايش ومش عايش ومش حاسس بأى أمان أنا بكرة .. وأنا امبارح ودلوقتى ماليش عنوان أنا زلزال يزلزل كل اراضيكى أنا البركان أنا الضحكة اللى مش حاسه بأى أمان أنا النسمة اللى كات طاله على الأغصان أنا المجروح وكلى جروح وبشكى من هوى النسيان أنا الفلاح .. أنا الملاح على المركب أنا القبطان أنا المتعافى على غيرى مافيش غيرى فى أى مكان أنا الطيب بعيش طيب وبيقولى أنا الغلبان أنا اللى الكل حسدونى وفى الأخرة هى الحيوان أنا الباحث عن ربى فى كل زمان أنا اللى العلم نورنى وخلانى أكون إنسان وأنا صاحى ..وأنا نايم بكون إنسان ------------- أنا الإنسان ------------- بقلم +طلعت عامر  

---------------:: بلد الكبار ::------------- ...................................................... البلد دى مش بلدنا البلد بلد الكبار اللى لما الحلم جالنا خلو فينا الحلم نار واللى لما الشوق نادلنا حطوا على الأشواق غبار دا اللى فكر يوم يعيش أصبح مافيش حلم عندة للنهار والكبير هو الكبير والصغير ! عاش ومات هو الحمار دى البلد دى مش بلدنا البلد بلد الكبار اللى يسرق قوت فقير واللى يشحت للعمار اللى دايما عاش أمير وبيشتكى! من اللى فكر يوم وثار دول عصابة .. مش غلابة احنا بس العقل طار قلبنا ساكن ف راسنا وعقلنا صابه العوار أصل هى العاطفة فينا هى أصل الأختيار بس بردة الكلمة هى البلد دى مش بلدنا البلد بلد الكبار والفشل لسة ملازمنا أصبح لزمنا نقتلة ! أو نرضى انة يكون قرار ساكن ف بطن الأرض فينا ونرضى يصبح لينا جار أصل الكبير يفضل كبير والصغير دار وحار البلد لية مشتهية للأسية وللخراب يجى حبة من ولادها يشتهوا حتى الدمار والدمار مش للكبير داالدمار عكس العمار والكبير! والحقير ! شركا بردة ف الأنهيار دى البلد دى مش بلدنا البلد بلد الكبار اللى لما ...

******* ابن مين فى مصر ******** ............................................. الِ حرر حكمها من الملك والاحتلال الِ وزع أرضها على الفقير وابن الحلال الِ أمم حقها .. فِ حتة كانت منها كان شجاع واسمه جمااااااااااااال الِ ضيع حتة فيها رغم انه كان حاميها بعدها زعق وقااااااااااااال طب خلاص مش هبقى فيها هبقى فرد أعيش عليها رد الشعب قال جمااااااااااااااال ******* ابن مين فى مصر ****** الِ رجع حتة ضاعت قبل ماننسى اللى فات الِ خرج بلطجية بس كان هو الضحية برصاصة غادرة طب مات الِ شجع على الكفاح وبردة جه بالانفتاح والفقير عدى وفات الِ راح لاسرائيل وفِ عقر دارها كان سادات ******** ابن مين فى مصر ******* الِ كان فى الحرب شارك حتى كان اسمة مبارك الِ رجع طابا لينا وسينا رِجعت كاملة لينا وشعبنا أصبح مبارك الِ عَمَّر بردة فيها والِ وحد مجرميها وخلى بردة الشغل فيها مش بيخلى من المعارك الِ شاع الظلم فيها والفساد أصبح ماليها ودة الِ خلى الكل شارك ******** ابن مين فى مصر ******* الِ فرق مسلميها قبل حتى مايبقى فيها بس كان قادر وغاوى جاب جماعتة يحكمونا قبل ...

********* مصر تتكلم ********* ........................................... سألت عن مصر قالوا لى إنها تائهة سألت عن أبنائها قالوا انشغلوا بميراثها طفت البلاد شرقا وغربا بحثا عن صدى لصوتها فوجدتها : فى ركن بعيد جالسة تبكى على أبنائها فجلست الى جوارها محاولا أن أسمع همهمتها بل ! هذيانها فسمعت من هذيانها ماآلت اليه حالها قالت : قتلونى قالت :أسرونى قالت : شردونى وانشغلوا عن وجودى بجودى ! وهمهم مالى وقوتى ونسيوا حتى وجودى بقى هما دول ولادى ! بقى هما دول حماتى! بقى هما دول حياتى ! والكل عاوز لنفسة والكل ماشى بأمرة والكل همة ولايتة دول مش ولادى دول أكيد هما هلاكى نسيوا زمان أُمهم نسيوا كمان عرضهم نسيوا زمان عِزهم والكل عاوز لنفسة ولو حب أخ ينافسة يعمل مصيبة لنفسة ماهو بردة أخوه هو نفسة أنا مصر ... وانتم ولادى ومهما تشردوا عنى بردوا ولادى بس افتكروا دايما وجودى ومايغركوش عطفى وجودى صحيح ممكن أصبر صحيح ممكن أنسى صحيح ممكن أرحم بس اللى مش ممكن إنى أرضَىَ تقسمونى او حتى تفصلونى أو حتى تقطعونى أو يفتكر حد منكم إنى له أو تغره قوتة ويظن إنى...

******* نهايتك ********** .................................... هل أنت حقا رجلٌ بديع وهل الجميع لأمرك مطيع أم أنت أصلا حملٌ وديع تنفذ لغيرك الأمر السريع ليتك بقيت كما كنت عاكف وعلى الأمُور العيا تظل عازف ولم تكن أبدا يوما مجازف أو ليتك كنت بنَّا وعلى طريق الدين تظل مِنَّا تكتب رسايل تعمل جماعة ! تبنى ولادنا ترسم عقولنا تهدى نفوسنا تُحرص ولادنا مش هىَّ دى بردة رسالتك ولا الكراسى والمناصب هى غايتك طب خد كراسى ! خد مناصب ! بس الكراسى والمناصب دى نهايتك ! كتبتها قبل ام تكتب بايدك نهايتك طلعت عامر

********* دعوها تمر ********* ////////////////////////////// /// دعوها تمر ولا تنسوا الصحبة ففى البقاء بها ضيمٌ بلا ونيس وبلا رفقة ****** دعوها تمر ولاتنسوا البسمة ففى العيش فيها بالكآبة تدوم لك فيها الوَحشة ****** دعوها تمر ولاتنسوا الرحمة ففى المشى فيها نحتاج الضَمة ****** دعوها تمر ولا تنسوا العطف فكل شئ يدوم فيها بلطف ****** دعوها تمر ولاتنسوا الوُد ولاتحيافيها باحثا عن نِد ***** دعوها تمر وعيشوا بسلام حتى يسود بنا الوئام ***** دعوها تمر تلك الحياة فمهما طالت فمصيرها الفناء طلعت عامر

******* فى الهوا سوا ****** ++++++++++++++++++ فات من هنا ------------ كان عندنا حلم يلمنا يلمنا -------------- يلمنا احنا لوحدنا ---------- لمينا ف بعضنا وشيلنا همنا همنا ----------- همنا اتشتت شملنا ------------ واتفرق تلتنا قتلنا ف بعضنا ------------ وسال دمنا دمنا --------- دمنا احنا لوحدنا ------------ هنغير فكرنا ونلم ف بعضنا --------- ونوحد صفنا ونشيل همنا همنا -------- همنا أصل عمرنا ----------- مانسيب بعضنا وتاريخنا يقولنا -------- ان احنا كلنا فى الهوا سوا فى الهوى سوا #طلعت_عامر

******** ألف يوم********* ******** نسيت النوم نسيتة اليوم أنا مش بلوم لجل العيون حبك فى قلبى يدوم وانا لو داريت سنين بكيت ولا اشتكيت ولجل حبك قررت أصوم مش فارقة تهجر ولا مرة تغدر قلبى بيعُذر وفَ بحر حبك هفضل أعوم تعالى وارجع حبك بيوجع قلبى بيولع وفِ بُعدى عنك بعيش مكلوم قررت تبعد وانا لسة بوعد قلبك بموعد تعيش معايا طريق مرسوم فكر وقرر وأوعاك تبرر هجرك يمرر وأوعاك تسيبنى كدة محروم قررت أجيلك فمد ايدك داانا حبيبك ولا نسيت طلع النجوم خلاص هويتك وأنا اشتريتك ودة نصيبك تعيش معايا ألف يوم طلعت عامر

http://adhwaamesr.blogspot.com/2014/10/blog-post_307.html

https://www.facebook.com/pages/%D8%AE%D9%88%D8%A7%D8%B7%D8%B1-%D8%B7%D9%84%D8%B9%D8%AA-%D8%B9%D8%A7%D9%85%D8%B1/292344097626871