انسى

؛؛؛؛؛؛؛؛{{ انسى }}؛؛؛؛؛؛؛؛؛؛؛
----------------------------------

خايف عليك من الهوا ؛ أحسن تجافينى

وبلاش تعود من هنا ؛ بطل تحاكينى

كل اللى بينا انتهى؛ وانسى مواويلى

انا اللى قلبى اشتكى ؛ وانت تجارينى

فاكر فى يوم اللقا ؛ كنت أشتكى ليلى

وانت اللى قلبك جفا ؛ عنى وعن ليلى

ياللى تنادى الصبا ؛ قول للصبا يجى

القلب سكنة الجفا ؛ عشش على طيرى

والحب أصبح ضنا ؛ ساكن رموش عينى

فانسى بقا حبنا ؛ وأوعاك تحايلنى

واسمعها منى كدا ؛ حبك هرب منى

والقلب صابه الهوى ؛ علم على الننى

وخلاص لقيت الهوى ؛ اللى يعيش جنبى

ـــــــــــــــــــــــــ


فابعد بقى وانسى ؛ حاول تساعدنى
افهم بقى وارسى ؛ علشان تطمنى
حاول تشوف مَرْسَى ؛ يفرق كتير عنى
تُسكن اليه ف وحدتك ؛ وتكون اليه ننى
تجمع اليه محبتك ؛ واوعى عليه تجنى
لكن انا فى قصتك ؛مش ناوى أعود تانى
فاسلك كدة وحدتك ؛ وابعد وجافينى
ــــــــــــــــــــــــــــــــــــــــ 
فابعد بقى وانسى؛
افهم بقى وارسى ؛
حاول تشوف مَرْسَى ؛
تُسكن اليه وحدتك !
تجمع اليه محبتك !
لكن انا فى قصتك !
مش ناوى أعود تانى
فابعد وجافيــــــــــنى
+طلعت عامر 

طلعت عامر