اخر جوابات

ــــــــــــ ببعتلك اخر جوابات ــــــــــ
""""""""""""""""""""""""""""""""""
ببعتلك حكــايات حكــايات
تبعتلى آهــات فى آهــاات
أبعتلك مراسيل مراسيل
تقابلنى بكذب ومواويل
مش كل العبارات تأوويل
ليه تطفى ف عينى القنديل
--------
بحكيلك عنى حكـــايات
تهملنى وتطلب طلبات
ماتكونشى سعادتك عنتيل
ولا انت بتعمل تحليل
لكلامى وتقولى عويل
وأنا أكبَّر وأقول داجميل
-------
ببعتلك نسمات شربات
تعملى قعده وندوات
أفرشلك الأرض إكليل
وأسهر وأستناك الليل
تهجرنى وأشعر بالويل
وترد ! العمر طويـــل
--------
مش كل الأوقات نسمات
ليه تعلق ع السوء بالذات
كان قلبك يشكيلى ويميل
وأنا قلبى من الحب هزيل
محتاجلك وكأنى عميل
بحتاجلك تصبح لى سبيل
--------
وأبعتلك أنغام وآهــاات
وأنا عايشه زى الأموات
تعاتبنى وتنشرلى غسيل
وتدوسنى كدا زى الخيل
وأنا عايشة بحبك فى عويل
بتغنَّى وغنايا عليل
--------
هبعتلك أخر جوابــات
ممزوجه بحب وخيرات
تعاملنى بلطف وتجميل
أصبح لك ظل وتظليل
تعاملنى بقبح وتهبيل
أزرعلك ف الأرض نجيل

+طلعت عامر