خواطر طلعــــ عامر ـــت

سكتك على خطوتك ************** ياللى الحياه فى سكتك ماشيه على خطوتك لا فى يوم تزيد خطوتك ولا تطــــول سكتك ماشى كدا بحكمتك ومعاك كمان صحبتك أهلك وحراسك قلمك وكراسك راسمين على سكتك انك تعيش وحــدتك تحسب مكان خطوتك والحس فى أساسك والكل فوق راسك والطبع احساسك ياللى الحياه فى سكتك ماشيه على خطوتك دايما تعيش غربتك تحبس كمان فرحتك مع اللى من ناسك وفى الحياه ناسِك راضى تكون سكتك مرسومه مع شدتك تُفرج تزيد فرحتك تضيق تقول رحمتك ياللى الحياه فى سكتك ماشيه على خطوتك لافى يوم تزيد خطوتك ولا تــطــول سكتك طلعت حلمى عامر

غرقان فى بحر الهوى نادانى علق فى ايدى الشَبك ومع الهوى ودانى ووقعت أنا فى الشَرك وصبحت أنا الجانى طلعت حلمى عامر

ارهاب البومه ******** الثورةه دى ثوره ولا دمــار وخراب طلع الخسيس شجره وشه دا وش غراب أهله وحراسه عملين لنا ارهاب خاين ياهو ناسه والقلب كله هباب ملعونه دى راسه نبحه دانبح كلاب أمريكا دى كاسه والشرب له أسباب والغدر له ناسه والطبع طبع ذئاب خرج الخسيس بره ميل على الأغراب قفل الجميع بقه بضلوعه فى الارهاب والغرب قافل ودنه ومصدق الكــذاب ماهو أصله بيوده فاتح له 1000 حساب ياجماعه خربانه أحلامكوا هى سراب وعقولكوا مليانه بالشر والارهـــاب يخالفكوا فى رايه يخرج من الاحباب يلغى لكم عقله يصبح من الأسراب ياسنان ومسنونه فاتحين لنا الأنياب وعقولكوا مجنونه وقلوبكوا فيها خراب قلنا خلاص توبه قافلين لكم الابواب وف شوكم بومه تنذر بكل خراب طلعت حلمى عامر

دم الخيانه معجون ف أجسامهم فى جحور عاشوها هما وأسلافهم والكره ف قلوبهم عايش على حسابهم بيقتلوا فينا ويخربوا فينا والذنب أحلامهم طلعت حلمى عامر

شجر الخيانه طرح والطرح كان أحزان لفوه ياناس بالطُرح طرحه ملا الأكفان والشر فيه انطرح كاسى على الأغصان والحب ماله مطرح يسكن مابين خلان طلعت حلمى عامر

موال حزين عايشاه يامصر دمعك ونازل فى كل عصـر حلمك وعايش جواكى قصر كان فين ولادك وانتى بتبكى ناسين حروفك ولايوم بتشكى دايما فى نصر/ وتاريخنا يحكى طلعت حلمى عامر

مصر اللى عايشه جوه القلوب العقل يعشقها والقلب فيها يدوب واللى يعاديها احنا نحدفه بالطوب واللى يسالمها نغفر له كل ذنوب طلعت حلمى عامر

غريق فى بحر الهـــوى واقف ينــــاديلى رسيت مراكبى هنــا شايله قنــــاديلى حدفنا شوقنا ســوا غـرقت منــــاديلى وضاع ف لحظة جفا يادنيا ليه تـــميلى طلعت حلمى عامر

خبط الهوى شباكى وفتح علىَّ الـــدار وقع الجميل ف شباكى بعد أما لـــف ودار فاتنى وقال مشـ باكى سوَّر مابينا جـــدار .. طلعت عامر

الأرض لــــو تتكــــــــلم تشهد علــــى خطوتها قلبـــى وليــها مســلم مفاتيحه تبقى ف ايدها فى الحُسن حد معلــم على خدها وف جيـدها فى الطيبه قلب يعلـــم الكل فيه حــاسدينهــا طلعت حلمى عامر

  حوار مع مسؤل تائب ************* قالوا النظام هو كدا احنا كدا عشنا كدا واية يعنى موت ماالموت بيجى كدا ويجى كدا سيبك دا قضا واللى عليه الدور ينزل هنا .. دا أنا المسؤل = وأنا المحمول على الأكتاف .. دا أنا القائد = وأنا اللى رزقى يدوب عيش حاف .. دا أنا السيد = وأنا الغلبان وأنا الشقيان عايش فى جفاف .. طب اسمعنى = وايه يفيدنى كلامك كله مش شفاف .. دا م العوزة . وقلة مال؟ = لا داانا خايب وحظى مال .. أنا جايلك ومشتاقلك هتسمعنى يكون سعدك ويصبح كونى على قدك = لا متقولشى داانا ماشى ورا ضلك ومالك هو بيضلك وعينى عليك مابتضلك .. هنعمل ثوره علشانك ويتغير جميع شانك وتصلح كل أحوالك = بلا ثوره بلا تغيير وايه اخدنا من التحرير حياتنا اتملت تعكير وأرواحنا بقت بتطير وقال ! بيقولوا دا التطهير أنا عايش فى وهم كبير ومستنى الأمل ف سرير خلاص تعبت من التفسير وشوشنا اتملت تكشير فبزياده وماتقولشى على حقير هنيالك ! ماانت حد كبير تكون مسؤل تعيش قائد تكون سيد تعيش سائد تلاقى الكل خدامك مايتغير فى يوم حالك وأنا يو...

كــل الكلام اتقـــــال وجمعته أنا ف مــوال شاغل عيونى غــزال رمشه جرحنى ياخال طلعت حلمى عامر

لقد تخطيتُ كل الحدود وعبرت على كل السدود وبحثت عنكِ فى دنيا الخلود فوجدتنى أمامك أشعر أننى مولود طلعت حلمى عامر

بالمحبه تعيش صبوح كله عايش فى الوضوح لويوم تتوب تمحى الذنوب عطر قلبك راح يفـــوح طلعت حلمى عامر

طول عمرك عايش كغريب قربتك طول ماانت حبيب وبعدت فى يوم عن قربك لما لقيت شمسك بتغيب طلعت حلمى عامر

الحب **** الأوله فى الغرام جت على بالى والتانيه فى الكلام مادريت أنا بحالى والتالته كتر الملام خلانى أعيش خالى أصل الحكايه من حرفين الحاء : حكايه غرام حبيبين والباء : بداية لكل شئ زين والعشق بين قلبين يتغنى بالمواويل والبسمه جوه العين عمر الحياه ماتميل وأنا فى الغرام عايش قلبى صبح طايش وبقيت خلاص درويش مش راضى بالتهميش مهما لمونى الناس قلبى اتملى احساس هـــو الهوى يتقاس ولا علــيه حراس دا الحب له أجراس ياناس ودلونى ليه بس تلومونى دا العشق دا سجان قاسى وله ألحــــان لافى يوم تتوب عنه ولا يتشبع منـــــه مهما يكون فى عذاب دايما على الأعتاب يدخل جميع الألباب وطريقه كله عتاب يدخل بدون أسباب قوموا افتحوله الباب طلعت حلمى عامر

سكنت بحر الشجن قالوا علىّ عـــويل عديت ف كل المحن قالوا دا م التطبيــل طلعت حلمى عامر

الحظ لما جــــــه خبط على بابــى خلانى متمنجـه فتحت له حسابى طلعت حلمى عامر

الحـــــدود اللــى مابيـــنا والشـــوارع والــشــــارات والكــــلام لــو يوم جمعنا يبقـــى كله كلام اهــات والـــلى مـــنا لو فاهمــنا يبقى العمر يدوب ساعات طلعت حلمى عامر