خواطر طلعــــ عامر ـــت

الله ياالله ******* ياكل من عَلِق الزمان بوصله كيف السبيل الى وصالك دُلنى كل الخلائق فى الدجى تهفو له ويطير شوقى الى سمائك خالقى ياخالق الكون الفسيح بحُكمِه أنت الرقيب وأنت من سوانى طارت قلوب العاشقين له وهواه يسكن مهجتى وفؤادى الله يا الله ياسر الورى اغفر ذنوب عبدٍ عاصى وامنح يارب له التُقى فأنت المميت وأنت من أحيانى عبدٌ ذليل ٌ لك تائبٌ يرجوا رضاك ياسيدى فكيف السبيل الى وصالك دُلنى والكون سائح فى ملكوتِه بالكاف والنون سيَّر أمره انى أنا الانسان قدرى تعرفه بضعُ على بضعٍ يحين فراقى ياذا الجلال وكل خلقك كلمةٌ الكاف كل حروفها والنونِ نرجوا رضاك يا خالقى من ذا الذى يعشق سيدٌ الاى طلعت عامر +طلعت عامر

ليــــــــــــــه ****** ليـــــه .. الخصــــــام ليـــــه .. المــــــــلام ليـــــه .. الأ لـــــامــ يُسكن قلوبنا وحينا *** كُتر الكــــــــــلام خلى الكــــــلام زى الســـــهــام داخل قلوبنا كلنـــا *** ليـــه .. ضلنـــــا غاب .. عننــــــا تـــاه .. مننـــــــا مين فيكوا تايه زينا *** سنين وعايشه جوانا هايشـــه ودموع وطايشه تنزف كمان من قلبنا *** ليـــه .. العتـــــاب بين .. الصحــــاب يقلب .. سبــــاب نخسر صحابنا وأهلنا *** أيــام .. وماشـــيــه وساعات .. وباليـــه والدنيا .. باكيـــــــه وف يوم نغادر عشنا *** ليـــه .. السكــــــات ليـــه .. الأ هـــــــات غاويه .. حكـــايـــات تنسج همومنا ف قلبنا *** الحب .. ضـــــــاع والكره .. شــــاع والصدق .. بـــــاع وفضلنا نندب حظنا *** ليـــه .. الحبيــــب مابقاش .. قريـــب وصار .. غــــر يـــب وساب عينينا وحضننا *** الدنيا .. لامــــــــه حكايات .. مهمــه 100ألف .. قصــــه تحكى جروحنا وهمنا *** ليـــــه .. وليــــــه بنقولها .. ليـــــــه ونعيدها ....

انسى ***** انسى انى كنت ف يوم حبيبك انسى انى مــره زمان هويتك انسى الهوى انسى الســماح انسى كمان عهدنا انسى الجراح انسى الضمير مابقاش ضمير انسى كلامــى ليك انك أمير انسى الملام انسى العتاب انسى كمان كشف الحساب انسى فى يوم نرجع لبعض انسى ان قلبى يعود له نبض انسى كلامنا انسى ألامنا انسى البكا دا خلاص فراقنا انسى الوفا وانسى الدفا انسى كلامنا وقت الصفــا انسى الصباح الشمس غابت انسى النواح مافيش ثوابــت انسى التماسى وقت العصارى انسى حواسى تاهت ف نارى انسى وقول للدنيا تنسى انسى وسيب قلبك لمرسَىَ انســـــــــــ ـــــــ ــــــــــ ـــــــى ! طلعت عامر +طلعت عامر

يـــــوم ورا يـــــوم ************ يالى كلامك مالهوش حد وكل كـــــلامك ناقص جد أنا أفردلك وانت تشـــد يوم ورا يوم القاعده تمد وساعة لما تحب تشــد تلاقى الكلمه ناقصه الود وكل يومين تلاقينى بَعِد وأرجع تانى أعملك نِـــد نفسى أحاورك مره وأسِد حتى القاعده مابينا تمد وأوعاك عنى ف يوم تبعد مش راح أسمحلك بالعند حاول مره تسافر الهنـــد وارجع ليه بجوز الهنــــد هنتظرك من اليوم للغد وأمسك ايدى وبيها أعد وأسرح انك جبت الشهد أصحى ألاقى كابوس بيهد ان كلامك مالـــهوش حد حتى وعودك مالهاش عهد ويوم ورا يوم القاعده تمد حتى الضحكة مابينا تصد زى الماشى ف حاره سد يطلع منها يلاقى السعد بس حياتنا مابينا وعــد ويوم ورا يوم القاعده تمد طلعت عامر +طلعت عامر

دنيا **** دنيا ومسمومه بالشر مزكومه وخلق ع المركب عيشاها فى التوهه دنيا وغراره للناس وجراره لفينها ف سيجاره فكرينها دى شطاره دنيا ومحتاره تحلى ف يوم تاره وف يوم تكون ضاره تلقاها غداره دنيا ونداهه للكل سجانه عايشنها ف متاهه والتوهه وخدانه دنيا ومحمومه والخلق معجونه بالهم مزحومه تتغنى بالنوته دنيا ومشبوهه والكل حبوها فيها اللى لفوها وفيها اللى نسيوها دنيا وزواله تعشقها خسرانه تزهدها كسبانه والأصل متفاته طلعت عامر +طلعت عامر

ناس وفيها الوشوش زى الكروش مليانه دهن وعكننه

دايما تلاقى الديابه على الناس أسود تنهش وتاكل فى الغلابه وللمناصب تسود تملى بطونهاوبسرعه تطلع لفوق زى الطيور وان وقعت فى يوم عل الأرض بسرعه تقدر تعود طلعت عامر +طلعت عامر

قنـــــاع ***** ليه البشر صبحوا كدا لابسين قناع والكل فاكر ان الدنيا له حق انتفاع ناسين ! عليهم انكتب يوم الوداع فينا اللى منا ولابس قناع الزيف وعايش حياته لايعرف شتا ولاصيف تلقى الكلام طيب والفعل منه سخيف وفينا اللى منا ولابس قناع البراءه تلقاه ساعات عايش زى الغلابه و ان جيت تشاركه تطلع عليه الديابه وفينا اللى منا ولابس قناع الجد لا يعرف الضعيف ولا للقريب بيود عايش فى حاله وعنده الناس ند وفينا اللى منا ولابس قناع الرجوله تاخد منه الكلمه وف يوم تلقاها حوله راجل على الناس بره وف بيته عوله وفينا اللى لابس قناع المحبه يعاشر الناس ويهوى الأحبه تلقاه عايش خلوق والكل حبه كل البشر لابس قناع سر البشر أصبح مُذاع حتى الأسيه صبحت مشاع ليه يابشر لابس قناع ليه عايش الدنيا خداع ولا الحياه عندك صراع فوق يابشر قبل الوداع واخلع قناع الإبتداع عيشها بقدر المستطاع دا الحب أحسن ف الطباع طلعت عامر +طلعت عامر

تعيينات *** جاء القرار بالتعينات بس القرار كان بالمسابقه والمسابقه محسوبيه أو فلوس تدفعها رشوه والطابور واقف طويل شباب وضايع منه حيل والكل مستنى القرار والكل حاسس بانكسار شباب وتايه فى النهار وليله عايش ف انتظار أمــا الوظايف حكر بس للكبـــــار نسمع كلام عن الشباب نسمع كمان كلام عتاب أما الحقيقه! بنعيش سراب والشاب يطلع غربته يهرب ويجمع لقمته ويعيش حياته بالعذاب وعينه تحلم بالقرار مستنى يضحك له الزمان نفسه فى وظيفه تضمن له الأمان نفسه يعيش حلم المكان يسأل بفكره ياترى امتى يؤون الأوان امتى يجالس صحبته امتى يأانس وحدته امتى الدفى امتى الوفا امتى اللقا امتى يشوف الأهل والخلان شهادات مركونه ع الرف وشباب تايه بيلف ولا يوم الأزمه تخف وشباب عايش على نار مستنى يطلع له قرار بس القرار كان بالمسابقه والمسابقه محسوبيه ردى يااما يابهيه طلعت عامر +طلعت عامر

كـــلام وملام وعتــــاب ! ************** قالوا الكلام ..بيختشى من نور عينيه قالوا المــــلام.. حـــق لينا وحق ليــه قالوا العتاب! انك بتقسى ف يوم عليه قلنا الكلام .. بيدارى من نظرة عينيه حتى المـلام .. الناس بتحسدنى عليه وأنا من العتاب قررت أمشى بين ايديه خلص الكلام بس انتوا قيسوا حبى ليه ومافيش ملام أنا من الملام احترت فيه انسوا العتاب دا روحى عايشه بس بيه طلعت عامر +طلعت عامر

((دموعى )) بقلم الشاعر طلعت عامر - جريدة أضواء مصر

تسمع كــلام النـــــاس تعيش كــدا منــــــداس تمشى فـى يوم عِـدل تصبــح عـــدُو للنــــاس طلعت عامر +طلعت عامر

مطبــلاتى يطــاتى وللايــد يبوس وان عِلِى فىيوم زى الواطى يدوس تلقاه كدا حنجال طول ماهو مرؤس كابس على غيره لزقه زى اللبوس طلعت عامر +طلعت عامر

ياحاسدين الناس غطوا عيونكم عنهم  دا الهم صاب الناس وانتوا عيونكم منهم لوعندك الأحساس تبعد بعيد عنهم لكن البعيد جساس عينوا على أحوالهم طلعت عامر +طلعت عامر

يادنيا **** دنيا وفيها من الخطوط مشاوير حتى الوشوش كاسر عنيها الويل الخد شكله جميل بس الحياة بتميل والتوهه وخدانه واللمه وحشانه والطبع لسه عليل دنيا ومزحومه بالحقد مركومه والحب أصبح ليل طالبين بقى تحاليل نغسل قلوبنا بنيل عالى كدا صافى ابعد بقى ياتجافى اقصر ياكره طويل ناسى أما كنت هزيل ولا صبحت سبيل عشش على قلوبنا كاسى على نفوسنا نفسى التقيك ياخليل تسكن هناجنبى تسندنى فى همى ولا انت بردوا قبيل دنيا وغداره تضحك ! تقول جاره تغضب ! تقول لامه وتعيشها بالتطبيل تقولش انت عميل أعمى ومتغمى عايش ومستنى الحلم يبقى جميل تمشى الطريق مسافات تقطع كمان عثرات والخطوه تصبح ميل يادنيا ليه بتعاندى كل اللى نفسه يعدى ولا انتِ بتهَدِى ولا الكلام تهويل أخرتها ايه وياكِ يادنيا واحنا معاكِ العمر أصله قصير العمر أصله قصير طلعت عامر +طلعت عامر

انتظــــــــار ******** وافقين على باب المحطه عايشين عليها فى انتظار فينا اللى مستنى الأحبه وفينا اللى عايش للفرار تلقى اللى ماشى حبه حبه وتلقى اللى عيشه فى الحوار الكل واقف فى انتظار عايشين على كف القمر نغزل عمل نكتب قرار مستنين الحب يوصل حينا فى انتظار الشوق يغازل قلبنا فى انتظار العمل يصبح مسار الكل واقف فى المحطه محط انتظار فينا اللى مستنى الطريق يصبح صديق فينا اللى مستنى الحياه تصبح نجاه فينا اللى مستنى الفرح فينا اللى مستنى الفرج وفينا اللى خايف من النهايه واقف لنفسه بالعصايه وبيحاسبها كل ليله وفينا وفينا والكل عايش فى انتظار والكل موجود فى القطار ساعات وماشيه ليل نهار طلعت عامر +طلعت عامر

بحر الهوى ******* عينى عليك يابحر كاشف قلوب الناس والنقطه منك نهر يجرى بلا احساس لحظة غروب الشمس تجمع علينا الأمس ونعيش حياه بالهمس نبكى على روحنا نسمع كمان روحنا ونعاند الأيام تجرى بنا الأعوام ونعيش حياة كالدهر ساعات ندوق المر وساعات حياه بتسر *** عينى عليك يابحر مرآه لكل جريح نزلوك فى ساعة عصر باتوا من المجاريح ساكن على شاطك حالف لانول ودك بس الهوى غدار والخطوه فيه من نار نكذب على روحنا ونداوى فى جروحنا ونعيشها كدا مجاريح واقفين فى وش الريح واهى ريح بتحدفنا وريح تجمَّعنا والبحر يجمعنا عينى عليك يابحر طلعت عامر +طلعت عامر

ياللى تصاحب لئيم سيب اللئيم لأصله خليك بعقلك حكيم وعقل اللئيم بناقصه طلعت عامر +طلعت عامر

ربيـــــــع عبــــــرى ************* قالوا الربيع عربى بس المذابـ ح عبرى ثوره وعشناها صبحت مذابح حصرى سبب البلا كان مصرى اسس لنفسه جماعه عمل لنا فزاعه كفَّرنا ياقطبى شكك بقى فى نسبى اعمل فريق سرى للقتل والتفجير وف ايدك السبحه والوِرد والتذكير احرق كمان علمى قطع حدود أرضى لا تعرف الأوطان ولا تُحتسب منى بدأ الحكايه حسن حرفها كان قطبى عين العدو باصه بفلوسه كان ماصه عمل علينا كماشه حط القلوب ف الفيشه ولع قلوب الناس شتت عقول الراس حلل دماء ابنى خرب كمان عقلى بالكذب والتدليس بجزيره او بالفيس ارحل بقى عنا ياللى انت مش منا دا مش ربيع عربى لكن ربيع عبرى طلعت عامر +طلعت عامر

قـــومــى يـــــــــــا مصــــــــــر ************************ يامصر مالك اِحْمَر لونك حتى السواد غطى حيطانك لون الحَمار ساكن فى أرضك حالف لتبكى على هجر ابنك كم من حكومة مش شايلة همك ولا يوم يهمك ابنك يغادرك **** يامصر مالك ضلمه عيونك ولاَّ شبابك هاجر وسابك ولاحياتنا رخصت عشانك تُهتى وتهنا وقافلة بابك وكل مره نقول حنانك مُره الحياه حتى ف حنانك **** يامصرمالك شايله دراعك عن اللى خانك عن اللى باعك وكل مره نحلم ببكره نلقى حَمارك كاسى عينينا غطى شبابك الدم فيكى أصبح قرارك ! ولا انتى غاوية حتى انتحارك **** يامصر لمى أحسن ولادك وحسبى لتجنى على حياتك شبابك وضايع وضايع قرارك وكلك واجعنى فى طارى وطارك وثورة وثورنا وكله اختيارك وعشنا ومتنا وكله فى تمامك **** يامصر دا كلك كدا بانطباعك وكل اللى فيكى حاكم طِباعك شبابك دراعك وفايته دراعك ودمك وسايل ودمعك ف خدك ونيلك وشايل همومك وشدك وحيلك وواقف بابنك وعزمك **** فَعَدِّى وحاربى وشيلى اللى خانك واوعى تخبى عدو مره خانك ولو مره جالك واحد من صحابك وحاول بجهله يموت ولادك فحاسبى حسابك وشوفى انتباهك وقومى يا...

حاسب فى يوم العز مايسيبك واوعى فى يوم الفقر مايسيبك وأوعاك تعيش الظلم مايسبك دا العز بعد الفقر بالظلم هيسيبك طلعت عامر +طلعت عامر

يابياعين الضحــــك بيعوا لنــــا ضحكــه دااحنا نسينا الضحك تاهت مع الزحمــــه هاتولى صحبة ورد أو ورده من الصحبه طلعت عامر +طلعت عامر

ينفع نقول الحق ولا نعيش بالرِق ياما اللى بيطبل عمره ماشاف الشق اما اللى عنده العقل يزعل قوى للحق طلعت عامر +طلعت عامر  

اه يــابــــلد عايشه على كيفك لاهمك اللى اتقتل ولا اللى زار طيفك من مذبحه لمذبحه نرجع نقول كيفك طلعت عامر +طلعت عامر  

الدم مش دمى ...... ولاَّ سكن أرضى دا الدم لون الغم ..... كابس على نفسى محتاج اقول اتلم ..... ماتسيل على أرضى عايزنى أبقى أصم .... وأنسى شهيد عندى ولا احنا حبة كم ..... زايد على عددى زايد على عددى طلعت عامر +طلعت عامر

مصلحنجى تلاقيه وقت مايعوزك وتدور عليه فى الشده مايعوزك وان جـــــار عليــــــك الزمــــن ينســـى فــى يـــوم عـــــوزك طلعت عامر +طلعت عامر  

حكاية موظف ********** كان فى مره حد موظف طالع عينه يوماتى فى الشغل يطلع بدرى وجسمه مشطف يوصل شغله بعد الظهر يلقى الدفتر سكوا عليه وتبقى أجازة تحسب ليه يوم ورا يوم السكه تخونه وسط الزحمه تطلع عينه واخر الشهر ! يلقى الراتب ناقص منه حبة فكه أو جنيهات محسوبه عليه يجرى يروَّح كدا ع البيت يلقى الست طالبه الزيت طالبه خضار ولحمه وبيض تسأل جوزها فين الراتب تنزل عينه يقول انا جيت ماشى ياسيدى فين الراتب حاضر حاضر طب والاكل هناكل ايه ليه بتطنش تانى يابيه هو الراتب لسه ماجاش ولا هتاكل كدا ببلاش دخل ايدك جوه جيوبك هات الراتب قبل ماأشوطك خدى ياوليه وأوعى تقولى ناقص مِيَّه زعقت صرخت تانى فى وشه ليه يامنيل نقصت مِيَّه خصم الراتب جه ياوليه مش احسن نشترى عربيه علشان اخلص من التاخير من دى الزحمه ف خط السير وأقبض راتب عالى كبير روح اتنيل داانت خفير ههههههههههههه طلعت عامر +طلعت عامر

جميل الطبع أحسن من الصوره وياما الصــــوره بالشر محفــوره تلقى العيون فيها طاله بالبسمه وجوه القلوب بالشر مدفــــونــــه طلعت عامر +طلعت عامر  

ياساكن وحدك *********** ياساكن فى الهوا وحدك ليه تبعد وتنسانى تشاغلنى بهوى ودك وانا وحدى بعيش حالى ظلام الدنيا من بعدك معيشنى الهموم تانى وأنا والدنيا من بعدك لا انا مظلوم ولا جانى ونور الدنيا من ضيك سحاب على البحر غطانى بتوه واسرح على شطك ألاقى الدنيا فاكرانى وبحضن قلبى فى كفك والاقى الحيره ضمانى متحرمنيش هوى قربك وارجع عودلى من تانى ياساكن فى الهوى وحدك داانا قلبى عليك حانى وبندهلك وببعتلك وبكتبلك تشاغل روحى فى منامى **** ياساكن فى الهوا وحدك ليه تبعد وتنسانى دا انا لسه طالب ودك ونورك ليَّه يحلالى فعاتبنى بنور ضيك وعاتب فىَّ أيامى لكن ماتعيش كدا وحدك وتهجر حتى أحلامى دا انا ساكن فى محرابك دا انا عايش ف ألامى ليه تنسانى فى أسرارك وأنا سرك غلب حالى وأنا سارح فى أحلامك تيجى صورتك على بالى أشوف نورى فى أيامك تنور كل أيامى أنا نفسى أعيش جنبك نعيد العمر من تانى ولا تفضل كدا وحدك وتفضل حيرتى سكنانى أنا نبضى ساكن قلبك وصوتك هو أحساسى وصوتك هو احساسى طلعت عامر +طلعت عامر

تسمع كــلام النـــــاس تعيش كــدا منــــــداس تمشى فـى يوم عِـدل تصبــح عـــدُو للنــــاس طلعت عامر +طلعت عامر  

الدم دا دمنا والغدر له حدوده واللى يخون ارضنا يلزم بقى حدوده طلعت عامر +طلعت عامر  

جدى ومسروع ع الكرسى مانتش راجعله يامرسى وجماعه عايشين فى قطيع والقائد كان اسمه بديع وبيقسم نسحقهم قهر كان طارق والنقب الزُمر قال الموت يقف ف ثوانى داصاحبنا واحد بلتاجى ويهدد إمارات بإيران طول عمره عايش عريان وبيسلق دستور شهوان والطاهى اسمه غريان واللى ف ايده الكل وداير لافف فيهم زى الشاطر مفتى بعمه زى الحاوى حلل دمى وكان قرضاوى وفرد كمان مخه غشيم كفر فينا ياوجدى غنيم وادى كمان معتوه بيشولع عايش بره يهلفط زوبع والكل يهلفط فى جزيره ويقولوا حيادة ! ياخنزيره وقناة للتت النصابين تكذب عل الكل مكملين وتقول تسريب وتعيش بالحرق وبنسمع فيها العته الشرق بطلوا يااخوانا كلام الزور بطلوا ونركبكوا الحنطور بطلوا ونركبكوا الحنطور بطلوا ونركبكوا الحنطور طلعت عامر +طلعت عامر

أسيح فى البيداء تملكُنى أعاصير وأمواجٌ تلاطمنى يتيه العقل من رأسى ويشكوا الفكر من يأسى تخايلنى تُعاتبنى وتمضى الظُلمه تسبقنى أيا عشقا هوى قلبا جفانى فى الهوى وحدى يقول الناس لى صبرا يطول الليل فى عينى طلعت عامر +طلعت عامر  

عشق الهوى سيطر عليَّه ياريت ياقلبى يحس بيَّه عشقى دا له حاجه تانيه فكرى يروحله كل ثانيه محتاجه قربه من عينيه اوعوا تلوموا ياناس عليه دا القرب منه أجمل هديه طلعت عامر +طلعت عامر  

فكر الخوارج كله شارد زى جدى تملى شارد كل مره يقوم مباعد بس دينا مش بباعد فكركم فكر الشوارد تقتلوا وتقولوا جاهد واللى منا عليكوا شاهد طلعت عامر +طلعت عامر  

صديقى اللى كان عايش جروحى لساه بِعيش وساكن ف روحى لساه بحسه ف نبرة سكوتى ولحظة جنونى ولحظة شرودى صديقى اللى كان يطبب جروحى وفاتنى وساب المر فى غموسى صديق المحبه صديق المدارس وعينُه عليَّه وكان ليه حارس وجه الفراق عليــَّه بكوارس وذكره عليه بيصبح أساس واسمه فى قلبى بماء الماس بودع صديقى واسونى ياناس طلعت عامر +طلعت عامر  

مصــــــــــــــــــــر-- مش ههاجــــر-- ************* هـــــــــاجر ............... اهاجر وسيبك لمين واسيب نيلك الحزين علـــــــى الربـــــابه بكتب أنــــــــــــين وأحلم سنــــــــين لجل نرجع طيبــين ياام العواجز والشقينين أرضك دى حته من الحنين نيلك بيروى العطشانين أهلك وشبعوا من الأنين والضحكه ساكنه عل الجبين وحضاره تصنـــــع فراعين والعدل غايب من سنين والحلم جاى بنقول أمين ياللى انت أهلك طيبين حسبى لنهلك أجمعين للعدل فيكى محتاجين والكره يبعد لو يومين والطيبه ترجع فضلتين عاشق جنونك مرتين عاشق وانا لسه جنين اعلِى ولو أحيى سجين نصرك علىَّ هو ديــــن قـــــولوا آ مـــــــــين طلعت عامر +طلعت عامر

سافروا هنا وهناك يحكوا حكاية كرسى قالـــــوا اتخلع بالانقـــلاب مـــــرسى أيوه انقــــلاب بس انقـــلاب شعبـــى **** ياللى رضـــيت بالخلـــع أول مــــــره ليـــه تنكـــر الخُلــع بعده تانى مــره ولا انت فيــن العقل ولا الهَبَل بالمره **** شيلنا مبــــارك وكان الحكم للعسكر رحتوا انتوا واتحــالفتوا مـــــع العسكر رجعين بقى تقولوا يسقــــط العسكر **** جيش العساكر جيش وطنى حُــــــر ماانتــش مذاكــر اِبعـــــــد وفِـــــــر خليك مهــــــاجر فى الغربـــــــه زِر **** غزيتوا المبــــانى والعقـــــول فينـــا وشتتـــوا ولادنــــــا وأهالينـــــــــــا وقلتــــوا علـــلى الدين دا مش لينا **** ياللى حكايتك فى الأصــل كـرسى 80 سنـــه عينـــك علــى الكرسى خليك ف حالك وانسى بقى الكرسى طلعت عامر +طلعت عامر

سينا ! ***** على جبل الطور كلِّم ربه وكليم الله سار على سينا وعيون موسى تشهد عنه شبه جزيره من أراضينا ديلسبس كمان بدأ الليلة وقناة اتحفرت بإيدينا تسعه وتسعين حصرى عليه وسعادتة تكون راسه علينا أمم ياجمال وانسى العيله دى قناة محفورة ف أراضينا بس العدوان اتصرعوا عليه وجمال كان حاكم أمانينا وف غمضة عين راحت منه بيهود صهيون حط علينا لكن السادات خط بحكمه وف 6 ساعات رِجعت لينا وأهى طابا كمان نقصت عنه وبكامب مبارك كمل أراضينا حفروا الأنفاق تحت منه هرسوا شوارعنا وحوارينا حظر التجوال من بورسعيد لإسماعيليه كان الصمود هو علامة أهالينا وف رفح كانت بداية المذبحه اتقتلوا وقت الفطار سال دمنا والدايره لسه فيها دائره مابين ظلام وجنود بلادنا نرفع ايدينا بس لـــــــه احفظ يارب أرض سينا طلعت عامر +طلعت عامر

خسيس ولما شبع طمع قام اتخلع جاله صرع خان وقال أنا الجدع بضرب ودع وأحكم بنفسى عل الودع عيشوا ف فزع والكرسى لينا بالجشع قولوا علينا أهل الورع أحسن مانرجع ننصرع ولا انتوا بتحبوا الوجع واحنا هنا زى اللطع عايشين كدا زى السلع والامر فينا بيتسمع أصل احنا شجرة بميت جذع والعقل فينا بيتقلع حقى أتمرع طز ف سعادتك كلمه ردع اسمك قريب يبقى صدع وايدى عليك حالفة منع وابنى لأرضى هو درع مانتوش ألوف دا انتوا بضع ــــ ماانتوش الوف داانتوا بضع طلعت عامر   +طلعت عامر

حب ايه ! ******* حب ايه اللى انت جاى تقول عليه ماانت شايف دمى سايل من ايديه حب ايه ايه ايه حب ايه ايه ايه حب كان ساكن مابينى وبينه نفس لغتى نفس ارضى نفس دينه واختلفنا وكان خلافنا ف يوم هو دينه حب ايه ايه ايه حب ايه ايه ايه اللى مابينك وبين الحب كلمه انك تقولها وترجع عينيه لكن انت قلبك ساكنة الأسيه والحقد غرك وساكن عليَّه حب ايه ايه ايه حب ايه ايه ايه حب ايه اللى انت جاى تقول عليه ماانت شايف دمى سايل من ايديه طلعت عامر +طلعت عامر

**** اشتكينا **** ////////////////////////// اشتكينا واتنسينا كل يوم نصبح نقاسى واللى باعنا واللى خانا عُمره مافكر يقاسى دا الهوا عنده مدارس للى حابس واللى كابس والبعـــاد عنه مآسى كان هنا ف نفس المجره عاش وكان هو المضره يسعد القلب التمــاسى شدنى م العين بنظره والهوى عنده منــاظره ف الكلام الحلو قـــاسى كنت شــايل له غــلاوته كان ف نفسى أبقى غايته هو كان شاغل لى راسى حتى فِكرى كله ليه والكلام كله علــيه حبى يجمع له حماسى اشتكينا واتنسينا كل يوم نصبح نقاسى مين ف حيرتى وانشغالى مين ف حاله زى حالى مين يحب يعيشها نـاسى حد فكَّر يوم يقول لــــه إِنِ هاوى حتى ضلـــه حتى أصبح من حواسى كان عينيه عليه مُطله شمس نوره وهى طاله فجأة أصبح مش مقاسى ليه تعيشنى ف مذله سبتنى من غير مظله وانت عندى شئ أساسى قول لنفسك مره كلمه خلى قلبك عنده رحمه أنا حاسك وإنت قــاسى اشتكينا واتنسينا كل يوم نصبح نقاسى طلعت عامر +طلعت عامر

اخوانى ****** اخوانى ومش من اخوانى وِجَعَان طول عمره حرامى يستهبل ويقول انسانى وف ديله مربوط بأوانى وكلامه ف الكدب قرارى فى الوش البسمه تلالى وفى القلب عايش شرانى تلقاه محروق جوانى والقلب أسود فحماوى يستنى اللحظة تآاتى وف اللحظه يُغدر مايوانى ***** اخوانى طول عمره أنانى مصلحته أبدا من التانى وف الدين تاجر بأولادى شرعيه حكمت على بيتى يتهد فوق راسى وناسى والأخ بيهد بلادى بالغل كابش على ايدى وعينية على كسر حدودى ويخش يِقتِل فى ولادى وأصحابه تكبر وتلالى من الفرحة تحلاله جراحى **** اخوانى بيفرح فى آلامى ولا عمره يتمنى نجاحى الطز قالها على بلادى والكفر كفر ف ولادى فى الثورة تاجر بشبابى وفى الدم رخص فى شهيدى ملعون اسمك على أرضى وتغور كدا طول وعرضى اسلامك مش هو اسلامى فى الأخره هشكيك الى ربى هكتبلك أخر جواباتى ابعد شرك عن اسلامى ابعد صوتك عن قرأنى وانت بحقدك فاكر انك من اخوانى اخوانى ومش من اخوانى **** طلعت عامر +طلعت عامر

ياخروووف ****** ياخروف ياابو قرن وليَّه ليه خيانتك على طول كدا ليَّه ونعاجك اتسرعوا عليَّه على أرضى يقطفوا ملوخية والصلصة عملوها تقليه بالدم الأحمر لبهيه والعُشب الأخضر ف السكة حرقوه كدا زى الفحمه واللحمه عملوها مسطرده والطفل الراضع من أمه قتلوا الحلم السكن قلبه ياخروف بيتغابى ف صوفه وع الشط بيقلع لوفه وعينيه بتبظ بخوفه تلقاه ياكل ف الضلمه ومعاه معزايه ونعجه ف الصبح يسرح على ارضه فى قطيع ماشى بإمارته والقرد علِّم على خده وأوباما قال ايه بيساعده فاكرينها عزبه فى ولايته لأفوق دا الراعى نهايته لو طالت نكتب له نهايته ياخروف ياأبوقرن وليه طلعت عامر +طلعت عامر

يامصر ياللى التراب متحنى بشهيدك الغدر ساكن فى الجحور بيمص ف وريدك والغل كاسى القلوب يتهنى بلهيبك والديب مفتح عينيه على كسره لحدودك امضى يامصر الطريق وبيعى اللى بيخونك بس اوعى تنسى العدو ولا اللى بيخونك طلعت عامر +طلعت عامر